Mig grunar að ég sé haldinn krónískri ofbjartsýni. A.m.k. gerist það aftur og aftur að mér finnast ritgerðir og verkefni hafa gengið ágætlega en samt endar maður alltaf í því að vera að hnýta saman lausa enda langt fram á nóttina fyrir skiladag. Kerfisbundin spávilla í verklíkani, það er greiningin! En það þýðir ekkert að stressa sig á þessu, enda er þetta ættgengt fenómen og ekkert við því að gera, a.m.k. ekki upp úr þessu. Sunna systir er svona líka ;) Og ég er ekki frá því að mamma og Gísli bróðir séu líka frekar svona innblástursdrifin. A-mennskan fór öll í Eyju og Skúla, enda er oft leitað til þeirra þegar þarf að skipuleggja eitthvað fyrir okkur hin.
En til að hressa sig við í frústreringum yfir því að innansleikjurnar virðast engan enda ætla að taka mæli ég með Ultravox, þá fer maður í stuð! Dancing with tears in my eyes...það gerist ekki betra!
said...
Manninum var í upphafi ekki ættlað að skipuleggja sig eftir úrverkum og öðrum vítisvélum, nei okkur var ætlað að vinna og leika okkur eftir hegðun sólar og fardýra, o.k. einhver mundi segja að það væri tímamæling útaf fyrir sig en Skaparinn sá við þessu A pakki og hafði engann fastann fengitíma svo B-fólkið gæti bara verið heima hjá sér og lagað sig að veðrinu og veiðidýrum hverrar árstíðar fyrir sig. Með þessum rökum má segja að ef allir væru A, værum vér sannarlega enn ráfandi um merkur jarðar. Niðurstaðan er því sú að 90% af allri þróun og velmegun mannkyns er B- fólki að þakka, svo vertu stoltur vinur minn.
Kristjan said...
Tetta er mögnuð mynd. Þessir menn dansa líklega til að gleyma.
