<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d4016206\x26blogName\x3d%C3%81stin+mun+sl%C3%ADta+okkur+%C3%AD+sundur\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttp://stinnihemm.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://stinnihemm.blogspot.com/\x26vt\x3d-432571709436535050', where: document.getElementById("navbar-iframe-container"), id: "navbar-iframe" }); } }); </script>
Ástin mun slíta okkur í sundur

Rafrænt tilverustig Kristins Hermannssonar 

miðvikudagur, október 18, 2006

21:36 -

Mér finnst alveg beisik að fólk sjái Geira, Valda og Jóa Bróðir tækla íslenska dansflokkinn. Þvílíkt rokk og ról show! Var gjörsamlega uppstuðaður eftir sýninguna á fimmtudag í síðustu viku. Sko, ég get ekkert lýst þessu almennilega þetta var bara mjög flott! Spíd-metalið bætti upp dansinn og öfugt. Nú eru þrjár sýningar eftir, á fimmtudag, föstudag og sunnudag. Tékkið á þessu á www.id.is

***

Tillaga Í-listans um nafnabreytingu á nýju götunum á Ísafirði er frábær og vonandi að málið gangi í gegn. Lundanöfnin voru redding til að koma einhverjum nöfnum á þetta og sjálfsagt að endurskoða málið þegar vel undirbyggðar tillögur koma fram. Það þykir góð latína að hafa götur hverfa í stafróðsröð en ég hef aldrei skilið í þessu lundamáli hvernig í ósköpunum mönnum datt í hug að nefna götu á Tunguskeiði Eikarlund! Svoleiðis vex örugglega ekki á Ísafirði. Ef götunöfnin hafa átt að vísa í Tunguskóg hefði t.d. Elrilundur átt betur við eða Einilundur ef vestfirskur trjágróður væri undir.

Þessi náttúrufarspæling er náttúrlega tittlingaskítur m.v. hversu plebbaleg þessi götuheiti eru, enda þegar búið að mjólka þau á Akureyri og í Garðabæ. Eikarlundur er Baltasar Breki götunafna. Jafn framsækið og Toyota Land Cruiser, flaska af Wolf Blass Yellow Label eða bagetta með pestói.

Á bb.is er frétt um málið: http://bb.is/?PageID=141&NewsID=84031

|

þriðjudagur, október 10, 2006

00:25 -


Vá! Skyldi sá tími loksins vera kominn að ríkið gefi okkur lausan tauminn til að leggjast í útlenskan lúxus eins og kjúklinga og nautakjöt? Ég trúi því ekki fyrr en á er tekið að tollar á kjöti eigi að lækka um næstum helming. Bíð eftir að verði upplýst að stjórnarherrarnir hafi ekki meint lækkun um 40 prósent heldur 40 prósentustig, t.d. úr 380% í 340%. Þykist svo vita að Guðni hafi einhver leynivopn í takinu, fríki út á tæknilegum viðskiptahindrunum, kjötið verði allt stoppað í tolli út af ónógum vottorðum og svo framvegis...

Utan frá séð virðist leitun að öðru eins bunker mentalíteti og einkennir talsmenn íslensks landbúnaðar. Eins og menn keppist við að peppa hvorn annan upp í því að útlenskur matur sé allur fullur af eitri og hormónum. Manneldissýn Framsóknarflokksins um að Íslendingar lifi á hollu lambakjöti og drekki mjólk með stenst bara því miður ekki. Það er leitun að fólki sem trítar sig með slíku kostafóðri nema það leggi á sig endalausa vinnu við að rækta það sjálft. Nú jesúsa framsóknarmenn allra flokka sig í bak og fyrir yfir því að landinn venjist af sínum þjóðlega kosti fyrir útlent hormónakjöt og baneitrað hollenskt grænmeti. Reyndin er hins vegar sú að helsta fóðrið er ristað brauð, pasta, dísæta jógúrtógeðið sem mjólkurmónópólíið skaffar manni og hrísgrjón með torkennilegu sósusulli. Ekki að undra að flíspeysurnar séu strekktar undan aukakílóum og við stöndum í miðju þjóðarátaki um aukna hjarta- og æðasjúkdóma.

Þannig getur það bara verið til bóta ef væntanlegar verðlækkanir verða til þess að fólk fer í auknum mæli að borða almennilegan mat en ekki ristað brauð í öll mál. Þar fyrir utan skil ég ekki hvernig fólk getur haldið þessari fáránlegu hugmynd fram að matur á meginlandinu sé almennt eitraður! Menn þurfa að halda virkilega fast fyrir augun til að sjá ekki þá yfirburði sem frændur okkar þar búa við hvað varðar úrval, gæði og verð. Væri a.m.k. mjög til í að komast í hollenska sveppi sem rýrna ekki um helming í steikingu og drekkja smjörinu í torkennilegum sveppasafa. Helvítis sveppaeinokaranum á Flúðum hefur ábyggilega tekist að fósa sveppina!

Þar fyrir utan er ekki eins og íslenskar búðir séu fullar af heilbrigðu kjarnfóðri. Getur einhver ímyndað sér að kryddlegna kjötið, sem er með íföstu season all bragði sama hvað með reynir að útvatna það, myndi fá hillupláss einhversstaðar í Evrópu. Kannski í Bretlandi þar sem er líka hefð fyrir því að bjóða almenningi upp á hakkaða beljurassa en varla annars staðar...

En ekki nóg með að framsóknarmennirnir séu klikk heldur er liðið sem rekur matvörubúðirnar hérna gjörsamlega að skíta á sig. Mætti halda að það væru Danskir einokunardagar í 10-11 og Íslenskir dónadagar í Bónus. Þrautreyndi í gær að finna ómygluð vínber í 10-11, endaði á því að taka skásta klasann og plokka út þau sem voru ókei í Waldorfið með sunnudagssteikinni (sem var nota bene kindafile úr Hagkaup á 2.495 kílóið, kostakjör miðað allt og allt og stórgott kjöt (leið eins og ég væri að koma í fyrsta skiptið til útlanda af því ég fékk far í stórverslun í úthverfi)). Svo þarf tæpast að útskýra troðninginn, dónaskapinn og ruglið sem Bónusferð felur í sér. Held ég þurfi að taka með mér vídeótökuvél til Glasgow til að einhver trúi því hvað starfsmenn og viðskiptavinir stórmarkaða geta verið kurteisir og kammó.

|

sunnudagur, október 08, 2006

22:42 -


Fór á ljósastofuna 101 Sól í dag, eða Hnakkasól eins og ég kýs að kalla hana. Mjög hressandi, allir mjög massaðir og tanaðir. Þetta eru sko ljós fyrir lengra komna, tíminn ætlar aldrei að verða búinn svo maður sér fram á flagnandi bringu á morgun. Komst líka að því að það er hægt að skipta um rás á tónlistinni í ljósabekknum en mínusinn er að hún er öll eins. Skelfilegt Nissan Sunny soundtrack.

Merkilegt nokk þá á Illugi Gunnarsson Nissan Sunny. Mætti e.t.v. kalla það markhópaspennu þegar hagfræðingur sem reykir vindla og spilar á píanó ekur um á svoleiðis bíl. Reyndar stakk ég upp á því í umræðum um taktíkina í prófkjörinu að hann yrði sendur á helstu bónstofur bæjarins til að smala inn hnakkaatkvæðum út á það. Einhverjir töldu að það gæti bakfírað svakalega þegar menn kæmust að því að útvarpið í bílnum er fixerað á Rondó FM.

Hef ekki enn komist í að prófa detoxandi segulleirinn sem maður á að fara með í bað. Þetta er mjög spennandi, hann á víst að verða svartur ef maður er fullur af eiturefnum.

Mætti á fyrstu æfinguna hjá Karlakór Reykjavíkur á fimmtudag. Sándið í kórnum er alveg milljón dollars eins og Helgi Björns myndi segja. Reyndar fékk ég netta svona hvað er ég búinn að koma mér út í tilfinningu því það eru massa miklar æfingar á bakvið þennan árangur. Tvö kvöld í viku, tveir tímar, og svo var farið að tala um einhverjar sönghelgar og læti. Shitt! Mér finnst nú einu sinni í viku alveg nóg! Allavega dugði það fínt í kammerkórunum á Ísafirði og í Strathclyde með slatta af heimanámi. Jæja við sjáum hvað setur, maður gefur þessu séns og ef þetta verður tú mödds þá reyni ég bara að finna latari kór.

Dansparið ógurlega var sameinað að nýju á föstudagskvöld. Sjaldan verið betri! Set með mynd af Dansparinu ógurlega featuring Hanna Rósa. Til að fyrirbyggja misskilning þá var Lite "bjórinn" ekki minn.

|

mánudagur, október 02, 2006

21:01 -


Íbúðin er smám saman að komast í stand og alveg orðin þokkalega samkvæmishæf. Hef þó ekki enn planað innflutningspartí en það verður gert fyrirvara svo barnafólk geti útvegað pössun.

Þó ég sé mjög tjellegur í mér, eins og amma segir, þá er ég ekki alveg kominn upp á lag með að strauja skyrtur svo vel sé. Ef handbragðið kemur ekki fljótlega þá verður þessi liður heimilisrekstrarins úthýstur. Pínu halló þegar skyrturnar eru ekki alveg stífar.

Prufaði að fara í jóga í Kramhúsinu í dag (ef ég fer að sækja tónleika með heimstónlist og hanga í Alþjóðahúsinu vill þá einhver slá mig utanundir). Málið er að það er svo langt í næstu rækt héðan, svo þetta var eiginlega hentugasta lausnin til að stirðna ekki upp. Er reyndar nágranni Sundhallarinnar en fattað u.þ.b. þegar ég var orðinn blautur í fyrstu dýfunni um daginn hvað það er ótrúlega leiðinlegt sport.

Jógað var fínt en afskaplega kvenmiðað. Skilst að það sé ekki frekventerað af körlum. Var semsagt sá eini í hópnum og líka eini þátttakandinn sem var ekki annað hvort óléttur eða kominn yfir breytingaskeiðið. Svona karmagellur eru samt í svo góðu jafnvægi að ég truflaði ekki neitt. Fannst fyrsti tímann bara ganga vel. Var samt frekar stirður. Þó ég sé í góðum tengslum við kvenlegu hliðina, og jógameistarinn klifaði á að kalla okkur stelpur, þá tókst mér samt ekki að setja einbeitinguna í legið og skar mig mjög úr samhljómnum þegar við ómuðum. En þetta var rosa gott. Var svo helkarmaður á eftir að ég fór beint heim að hlusta á Sigurrós. Þetta var ansi gott, gæti alveg verið mitt þing. Ætla pottþétt að prufa aftur.

En til að verða ekki of kvenlægur í hugsun sló ég á þráðinn til stjórnanda Karlakórs Reykjavíkur og óskaði eftir áheyrn. Hann ætlar að hafa samband á morgun. Fæ mér svo rennandi vatn og gullfisk í íbúðina og þá verður sálarlífið sem Ísafjarðardjúp á lygnu á síðsumarkvöldi.

Set með mynd af veðrinu og útsýninu. Soldið kalt í dag.

|

© Kristinn 2005 - Powered for Blogger by Blogger Templates hits.