<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d4016206\x26blogName\x3d%C3%81stin+mun+sl%C3%ADta+okkur+%C3%AD+sundur\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://stinnihemm.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://stinnihemm.blogspot.com/\x26vt\x3d1201978586094407619', where: document.getElementById("navbar-iframe-container"), id: "navbar-iframe" }); } }); </script>
Ástin mun slíta okkur í sundur

Rafrænt tilverustig Kristins Hermannssonar 

mánudagur, júlí 31, 2006

14:52 -

Ansi þykir mér Vísismönnum vera að takast vel upp með pistlahöfundana á síðunni. Líklega með betri þjóðfélagsumræðu sem hefur farið fram á landinu lengi. Á einhvern hátt er manni létt að lesa þegar þjóðfélagsrýnar koma í orð því sem brennur á manni, sérstaklega ef það virðist gert á vandaðan hátt. Sem minnir mig hversu óskaplega gott það er að hafa Egil Helgason í sumarfríi. Kallinn er gjörsamlega genginn úr skaftinu, endalaus múslimafælni og froðusnakkar að klæmast á hagfræði. Hver man ekki eftir gullkorninu: "Kristrún Heimisdóttir, hvað finnst þér um þessa vaxtahækkun?"

Það hvernig Ísrael (og Ísraelum) er endalaust hlíft við því að horfast í augu við pólitískan veruleika og mannlegt siðferði er hræðilegt og virðist engan enda ætla að taka. Því miður er skelfingarástandið í Líbanon bara minniháttar kafli í áratugalangri ofbeldis- og hörmungasögu. Við Íslendingar erum ekki síst ataðir blóði frænda okkar við Miðjarðarhafið hafandi stutt stofnun Ísraels með oddi og egg en síðan engu skeytt um framhaldið.

Jón Ormur Halldórsson stjórnmálafræðingur og fyrrum aðstoðarmaður Gunnars Thoroddsen átti góðan pistil um Ísraelspólitíkina: http://www.visir.is/apps/pbcs.dll/article?AID=/20060726/SKODANIR01/107260077/1003/THRJU

Þá ekki síður Múrarinn Sverrir Jakobsson: http://www.visir.is/apps/pbcs.dll/article?AID=/20060729/SKODANIR04/107290010/1129/SKODANIR

Mér finnst Hafliði Helgason líka ná vel utan um þetta í dag. Þetta er a.m.k. mál sem ég skil: http://www.visir.is/apps/pbcs.dll/article?AID=/20060731/SKODANIR04/107310022/1009/SKODANIR

|

fimmtudagur, júlí 27, 2006

23:56 -


Maður verður víst að viðurkenna að Neytendahornið hefur ekki verið eins virkt hérna á síðunni og væntingar stóðu til.

Sem betur fer hefur Bónus tekið málið upp á sína arma. Þetta eru sko orð í tíma töluð: http://bonus.is/?page_id=223

Þversögnin er sú að landsframleiðsla á mann er óvíða hærri en á Íslandi, lífskjörin eru hins vegar bara la la því það fæst ekkert fyrir peninginn, það er allt svo dýrt! Fáránlegt að hafi ekki verið tekið á þessu. Áfram Bónus!

|


22:58 -

Alveg finnst mér ónáttúrlegt að sitja fyrir framan tölvu og skrifa ritgerð þegar er sól og blíða dag eftir dag. Sérsaklega af því móralinn í Skotlandi er svipaður og heima, það verður að nýta góða veðrið þegar það kemur. Það væri annað ef maður væri í suðurlöndum þar sem er hægt að stóla á að góða veðrið verði líka á helginni. Annars gengur þetta ókei. Blekkti líkamsklukkuna með því að fara til Íslands og koma aftur, nú er að koma meiri haustfílíngur í mann.

Íslandsferðin var mikið stuð, með æðislegu brúkaupi hjá Gunnu minni, Samtakaballi, ættarmóti og Beni endurfundum. Fyrir utan alla hittingana og heimsóknirnar og náttúrlega hafa það gott með fjölskyldunni. Bara snilld. Fannst þetta allt svo merkilegt að ég legg ekki í að gera einum viðburði ítarleg skil því þyrfti ég að sinna hinum líka sem myndi enda í margra blaðsíðna greinargerð. Verð samt að segja að mér finnst magnað hvað amma á marga afkomendur. Maður fattar þetta ekki, allt í einu er bara komið fullt af börnum. Fullt af fimm barna fjölskyldum, ómetanlegt fyrir hagvöxtinn. Þetta er án efa helsti styrkur Íslendinga inn í 21. öldina að við nennum ennþá að eiga og ala upp börn.

Má líka til með að benda á fyrir Beni-partíið voru skannaðar inn myndir frá Halldóru, Kiddý og Önnu Lára. Tók mér leyfi til að skella þeim á netið fyrir áhugasama: http://uk.pg.photos.yahoo.com/ph/khermannsson/album?.dir=ca48re2&.src=ph&store=&prodid=&.done=http%3a//uk.pg.photos.yahoo.com/ph/khermannsson/my_photos

Set með þessar frábæru sólarstrandarmynd úr einkasafni Önnu Láru.

|

fimmtudagur, júlí 06, 2006

22:29 -


Þá er að pakka niður. Er ekki viss um að meðal Evrópumaður geri sér grein fyrir hversu mikið mál er að pakka niður fyrir Íslandsferð. Það þarf að gera ráð fyrir hrikalegu veðri en líka sól og blíðu. Í 12 daga ferð er allt í boði. Hingað til hefur mér virst ítölsku ferðamennirnir leysa þetta best, þeir fá sér bara þykka dúnúlpu og bregða yfir Mílanódressið og skipta svo út mokkasíunum fyrir glansandi burstaða gönguskó. Still yfir þeim.

Til viðbótar við fötin verð ég svo með mörg kíló af pappír því lokartitgerðarvertíðin er í fullum gangi. Hef notað sólina að undanförnu til að sitja úti og lesa. Get engan veginn hangið fyrir fram tölvu í svona veðri. Þess vegna væri alveg ókei mín vegna ef veðrið væri bara la la á Íslandi.

Held reyndar að ég hafi dottið í lukkupottin með ritgerðina. Endaði semsagt á að kanna efnahagsáhrif háskólastofnana sem er mjög í deiglunni um þessar mundir. Prófessorarnir hér voru stormandi ánægðir með þá uppástungu því Strathclyde í félagi við fleiri stofnanir vinnur að undirbúningi umfangsmikils rannsóknarverkefnis þar sem á að fara ofan í samana á þessum málum og m.a. smíða haglíkan sérstaklega utan um þessar spurningar sem hafa vaknað um hagrænan slagkraft háskólastofnana. Er semsagt að upplifa að vera réttur maður á réttum stað og tíma, sem er alveg magnað. Ritgerðarleiðbeinandinn minn heitir Kim Swales og er einn helsti gúrú Skotlands í svæðisbundinni hagþróun. Frábær náungi og Cambridge maður, sem er ekki stórmál í hinu tilgerðarlausa Skotlandi en þýðingarmikið annars staðar þar sem menn eru uppteknari af goggunarröðinni.

Merkilegt hvað er mikið auðveldara að ferðast frá Glasgow en til. Í fyrramálið vaknar maður svona um áttaleytið og tekur sturtu og morgunmat. Stefnt á að labba út á stoppistöð um níuleytið og krækja í flugvallarstrætó sem gengur á 10 mínútna fresti og er u.þ.b. 20 mínútur á leiðinni. Á hinum endanum tekur svo við endalaus bið efir flugrútunni og svo klukkutíma akstur í bæinn. Brottför kl. korter yfir ellefu, þá byrjar aðlögunin að hefðbundnum íslenskum dónaskap. Flugliðum er uppálagt að hreyta skilaboðum í farþega og nota alls ekki kurteisi eins og please til að herða Bretana upp svo þeir brotni ekki niður í menningarsjokki þegar svellkaldir bílstjórarnir á flugrútunni flexa tjáskiptavöðvanna: ?WHERE ARE YOU GOING????, ?uuhhh, H?ótel Nooordica?, ?YOU! STAY ON THE BUS!!!?. Mig grunar að Ferðamálaráð hafi gefist upp á að reyna að kenna Íslendingum kurteisi og hafi ákveðið að það væri einfaldara að reyna að ljúga að fólki að dónaskapurinn væri eins konar menningarupplifun. Bíð alltaf eftir að sjá auglýsingu frá Flugleiðum þar sem stendur ?Visit the incredible rude island?. Svo verða örugglega allir hrikalega kammó á morgun, týpískt af því ég er búinn að röfla hérna. Búið að klóna Þórunni Lár og setja um borð í allar flugleiðavélarnar. Þá ætla ég að biðja um eiginhandaráritun.

Set með eina hálandamynd n.t.t. af Loch Ness frá því við Binna tókum á sprett um slóðir Monarch of the Glen og víðar um daginn.

|

mánudagur, júlí 03, 2006

23:10 -

Frammistaðan hérna er nettur skandall. Í sem stystu máli var júní mjög skemmtilegur mánuður. Náttúrlega haldið vel upp á prófalok, síðan fórum við Elín til Berlínar, sem var bara snilld. Þá fékk ég skólasystkini mín frá Maastricht þau Claudi, Kati og Richard í heimsókn og fast á hæla þeirra leit Binna mín við. Sú vika var gernýtt og m.a. tekinn túr um hálöndin. Svo átti ég leið um Lundúnir, sem og Gísli bróðir. Við skelltum okkur á sushi bar í Selfridges. Heimurinn er svo lítill að þar hitti ég Andreu skólasystur mína úr HR sem býr í Luxembourg. Áður en yfir lauk skellti ég mér svo á rallið í Soho með Brasilíumönnum sem komu hingað uppeftir í vetur og fengu hjá mér guided túr og voru meira en til í að endurgjalda greiðann. Svo er lokaritgerðin náttúrlega komin á fullt. Ætla að stelast aðeins til Íslands á föstudag og vera í eina og hálfa viku. Brúðkaup hjá Gunnu minni á laugardag og svo frétti ég að væri Samtakaball sama kvöld, veit ekki alveg hvernig það mixast, það má náttúrlega ekki flana að neinu þegar brúðkaup eru annars vegar.

|

© Kristinn 2005 - Powered for Blogger by Blogger Templates hits.