Myndanæmið hefur ekki verið upp á marga fiska að undanförnu. Þannig nennir maður ekki að lyfta myndavél nema eitthvað stórmerkilegt beri fyrir augu. Þannig tók ég bara eina mynd í jólafríinu og það var af Árný minni að afgreiða í Ríkinu á Ísafirði. Ef maður vill vera dramtískur má segja að myndin fangi það hvernig stórkostlegum náttúrunnar hring hefur verið lokað. Í verkahring Ríkisstarfsmanna er að selja ungu fólki áfengi svo það geti brotist undan félagslegu taumhaldi og opnað hjörtun hvert fyrir öðru. Uppúr hverri helgi verða til nokkur pör, sum þeirra eignast börn og jafnvel stofna einhver fjölskyldu. Núna er Árný orðin helmingurinn af pari á móti Súna og þau áttu Jón Darra litla í fyrrasumar (þ.e. 2004). Óhjákvæmilega hefur það í för með sér að þau þurfa að fara minna í Ríkið en áður. Þar áður var Árný dyggur viðskiptavinur ÁTVR eins og gefur að skilja. Sérstaklega eru eftirminnilegar margar góðar Ríkisferðir sem við fórum í þegar við leigðum saman á Rauðarárstíg 20 ásamt Hönnu Rósu árið 2002. Þannig standa upp úr ferðir á gráa Daihatsu bílnum hennar Árnýjar í Vínbúðina við Dalbraut í Kópavogi sem á þeim tíma var næsta útsalan með opið á laugardagseftirmiðdögum.
said...
mér finnst eins og ég sé að horfa á lion king samt finnst mér eitthvað orðið skrýtið þegar Nonni Ninnu er orðin lögga og Árný að afgreiða í RÍKINU. Þetta er farið að minna á lagið með handboltalandsliðinu "87 (ca.)
Kristinn said...
He he, þetta er málið, bara fá Elton John til að semja músíkina og það er komið stórfallegt ævintýri úr samtímanum.
Áttu við ?Gakktu í reyklausa liðið, það er lið í lagi??
said...
Nei nei, textinn var eitthvað á þessa leið " Það er allt að verða vitlaust og allt úr skorðum fer
afi orðinn amma mín, jól í október"
mig minnir að höf. sé Valgeir Guðjónsson alltént var síðasta setning fyrir millikafla " Bjarni Fel er komin í Fram" hræðilegt lag en svona er nú stemmingin þegar N.N. er komin í lögguna og Árný í ÁTVR
Kristinn said...
He he, nú fatta ég tenginguna, soldið tregur eftir jólin.
En við öndum rólegir meðan enginn er genginn í krossinn eða farinn að vinna fyrir Tóbaksvarnarráð.
said...
Vínbúðin heitir ríkið víst í dag.. enguaðsíður þá fékk ég að halda peysunni svo hægt væri að kalla oftar í mig þegar aðstoð vantar til að hjálpa fólki að fylla á vínandann.. þá helst um hátíðar. Kannski ég sæki um í lögguskólann, nee er ekki betra að segja fólki hvað það á að dreka en ekki hvað það á ekki að gera.. eða eitthvað svoleiðis ;)
Kristinn said...
Jú ég held að þú sért á heimavelli í Ríkinu, ehhmm , Vínbúðinni:) Hlakka til að koma til þín næst. Vonandi verður þú kölluð inn um páskana!
