<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d4016206\x26blogName\x3d%C3%81stin+mun+sl%C3%ADta+okkur+%C3%AD+sundur\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttp://stinnihemm.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://stinnihemm.blogspot.com/\x26vt\x3d-432571709436535050', where: document.getElementById("navbar-iframe-container"), id: "navbar-iframe" }); } }); </script>
Ástin mun slíta okkur í sundur

Rafrænt tilverustig Kristins Hermannssonar 

miðvikudagur, apríl 28, 2004

22:43 -

Eitrað fyrir lesendum Bæjarins besta

Í síðustu viku naut ég þess heiðurs að vera sælkeri vikunnar í Bæjarins besta og gaf þrautreyndar uppskriftir, n.t.t. spagettí með beikoni og böku með hvítkáli og beikoni. Á síðasta sunnudag var síðan viðtal við næringarþerapista í tímariti Mbl og samkvæmt hennar orðum hef ég beinlínis verið að eitra fyrir fólki með öllu þessu trefjalausa kolvetnasukki sem er í uppskriftunum.

Reyndin mun sú að fæðuhringurinn sem var kenndur í heimilisfræði og hefur verið troðið oní mann í gegnum tíðin er skekktur m.t.t. hagsmuna matvælaframleiðenda í Bandaríkjunum, þannig er hann yfirvigtaður í hveiti og mjólkurvörum o.sv.frv. Gott að vita þetta núna, lo carb matarræðið hennar Kiddýar er semsagt ekkert speisað heldur er húsmæðraskólanæringarfræðin kúgunartæki auðvaldsins. Með vali mínu á uppskriftum hef ég gerst meðsekur í þessu samsæri!

|

fimmtudagur, apríl 22, 2004

20:42 -

Ekki frí á sumardaginn fyrsta í Hollandi
Kominn inn í Maastricht

Síst af öllu átti ég von á tölvupósti á sumardaginn fyrsta enda almennur frídagur og því fæstir að spá í bissness. Sumardaginn fyrsti þykir greinilega ekki merkilegur í Hollandi því rétt í þessu var ég að tékka á póstinum mínum og hafði fengið bréf frá Háskólanum í Maastricht þar sem mér var tilkynnt að ég væri kominn inn og ætti von á skráningarblöðum í pósti innan skamms. Ferlega skemmtilegt, nú get ég farið að hafa áhyggjur af því á hvorn staðinn ég á að fara!

E.s. (sérstaklega ætluð góðkunningjum mínum á Nönnukaffi) þessi færsla er rituð á klósetinu og telst því vera svokallað kúkblogg.

|

mánudagur, apríl 19, 2004

22:55 -

Háskólamál 2004
Fyrirspurn send til Háskólans í Maastricht
Nú í kvöld dreif ég loksins í að senda fyrirspurn til Háskólans í Maastricht í Hollandi um hvað umsókn minni liði þar. Síðast heyrði ég í þeim í mars þegar vantaði auka gögn sem þeir ættu að vera búnir að fá núna. Miðað við reynsluna hingað til reikna ég með skjótu svari.

Háskólinn í Tilburg í Hollandi er búinn að bjóða mér til sín í haust í meistarnám í hagfræði. Venjulega er prógrammið kennt á einu ári en þar sem ég kem inn í fagið örlítið á ská úr viðskiptafræðinni er mér boðið að taka fleiri kúrsa og ljúka náminu á tveimur árum.

Þessa stundina er ég spenntari fyrir Maastricht, e.t.v. er það einungis vegna þess að þeir láta ganga á eftir sér. Tilburg voru svaka næs sögðust vilja svar sem fyrst svo það sé hægt að fara að huga framtíðinni, húsnæði og slíku. Maastricht hefur virðulegri hljóm fyrir tilstuðlan Evrópusambandsins svo er borgin svo skemmtilega staðsett suðaustast í Hollandi að það er jafnlangt til Köln, Brussel og Amsterdam. Þá getur maður notið óperunnar í Köln, konfektbúðanna í Brussel og hommabaranna í Amsterdam.

A.m.k. er stefnan sett á klossa og túlípana í haust!

|

© Kristinn 2005 - Powered for Blogger by Blogger Templates hits.