Frá og með síðustu viku gætu 9/11's átt á hættu að vera handteknir í Bretlandi héldu þeir tónleika hér eftir að þingið samþykkti lög sem banna það að lofsama hryðjuverk (glorify terrorism). Eftir því sem ég heyri eru þessi lög algert bull og hægt að teygja þau yfir ótrúlegustu hluti. Lávarðadeildin reyndi að stoppa þetta en án árangurs. Ég er nú ekki með smáatriðin á hreinu en eftir því sem manni hefur skilist kemur þetta ofan í alls kyns lög sem banna fólki að lýsa vanþóknun á minnihlutahópum, trúarhópum og svo framvegis. Það styttist í að það verði hægt að handtaka fólk hérna fyrir að vera ekki PC almennt.
Um daginn var þáttur í sjónvarpinu um Health & Safety stofnunina, sem var lýst sem ríki í ríkinu. Setjandi öryggiskröfur og viðmið um alla hluti. Í þættinum var sagt frá mikilsverðum árangri í baráttunni við "nanny state gone mad". Það var hópur sundáhugamanna í úthverfi London sem börðu það í gegn að synda án eftirlits í tjörn sem hefur verið úitsundlaug svæðisins síðan hverfið fór að byggjast á 19. öld og örugglega synt í henni fyrir það.
Gamli kallinn sem var hent út af þingi Verkamannaflokksins í Brighton í haust var kærður samkvæmt einhverjum andhryðjuverkalögum fyrir að hvetja til ófriðar. Hann hrópaði "þvættingur" frammí fyrir Jack Straw utanríkisráðherra þegar hann sagði í ræðu sinni að þátttaka Breta í Íraksstríðinu væri til að frelsa írösku þjóðina. Það var verið að kryfja málið í fréttaþætti um daginn og spjalla við kallinn. Myndirnar af þessu voru ævintýralegar. Það komu þrjár massívar kjötbollur og köstuðu kallinum út. Síðan var ungliði þarna sem ætlaði að koma honum til varnar og sá fór sömu leið.
Gaurinn hefur verið félagi í Verkamannaflokknum síðan 1948, var í þingframboði á 6. áratuginum og hefur verið praktíserandi friðaraktívisti í 60 ár. Til að auka enn á dramatíkina þá heitir hann Walther Wolfgang, er gyðingur, fæddur í Þýskalandi og flúði undan nasistum ásamt fjölskyldu sinni til Bretlands tíu ára gamall. Hér er frétt um þetta: http://www.telegraph.co.uk/news/main.jhtml?xml=/news/2005/09/29/nlab29.xml
Gaurinn saknar gömlu góðu tímanna þegar mátti viðra ágreining í flokknum, og er ekki hress með new labour. En ástandið er ekki alvont. Economist heldur því fram að þingmannaræði sé að aukast, og aflið þar að baki sé bættur fjölmiðlaaðgangur. Menn noti netið óspart og aukinn sjónvarpsfréttaflutningur kalli á meira efni, sem geri það að verkum að fleiri komist að en bara formenn flokkanna. Þetta gæti átt við heima og væri ánægjulegt ef þingmannaræði myndi aukast. Stjórnmálin eiga að fara fram fyrir opnum tjöldum en ekki vera tæki til að framfylgja samþykktum úr reykfylltum bakherbergjum. Vonandi er þessi sveitapólitík á útleið.
P.s. Síðan er í tómu rugli, ekki hægt að setja inn myndir, og þessi færsla eyddi út síðustu færslu, argg!!! Ég þarf að finna eitthvað út úr þessu.
Kristinn said...
Þessi athugasemd hefur verið fjarlægð af stjórnanda bloggs.
Kristinn said...
ARRRGGGGGG, þvílíkt kjaftæði! Ég var búinn að uppfæra tenglana og nú er það farið líka. Þetta blogspot lið er greinilega að missa það, eflaust á mála hjá Landsvirkjun! Þeir eru að rugla í our precious bodily fluids....
said...
Hæ Kristinn, það var líka eitthvað að kommenta kerfinu þínu um daginn þegar ég ætlaði að kommenta á færsluna um Köben hjá ykkur Kiddý! En sé að það er komið í lag núna. Langar að hittast á Skype við tækifæri og taka smá spjall um framtíðina. Hvernig líst þér á það? Ég er að fá pínu panik kast þessa dagana í fuglaflensu ástandi mínu...
Kv. frá Írlandinu,
Elín.
Hafdis Sunna said...
Já, nákvæmlega! Skrýtið, ég kíkti einmitt á síðuna þína í gær og sá alla fínu tenglana og hugsaði gott djobb Kristinn! Djöfuls rugl er þetta á blogger, alveg til að fara með fólk svona á köldum mánudegi.
Kristinn said...
Já Lella, við þurfum endilega að spjalla, ég er einmitt farinn að stressast soldið upp. Síðustu daga hefur netið verið í skralli hjá mér u.þ.b. annan hvern dag (bölvað netvesen alltaf) en við eigum eftir að hitt á góðan dag.
Ég ætla að vona að Blogspot liðið hætti að vera timbrað bráðum og fari að þessu í lag svo ég geti lagað tenglana aftur:/
yanmaneee said...
nike react
golden goose shoes
jordan shoes
golden goose outlet
birkin bag
yeezys
air jordan shoes
chrome hearts online store
supreme
kobe shoes
