Söngurinn gekk ágætlega. Ég hélt við myndum koma fram fyrir tvær gamlar konur en kirkjan var fullsetin. Ótrúlegt en satt þá virðast ennþá vera til söfnuðir sem nenna að mæta í messu. Og n.b. þá var þetta engin Kross-klikkun heldur bara kaþólska kirkjan í hverfinu. Rauðbirknir Skotar úr hinum vinnandi stéttum sem fara á pöbbinn eftir vinnu, reykja og hafa að meðaltali hvað minnstar lífslíkur Evrópumanna. Stundum fær maður á tilfinninguna að margir Glasgowbúar séu stoltir af því að vera ekki að eltast við eitthvað heilsubull og deyja ungir úr heiðarlegri "working-class" kransæðastíflu. Það er nú eitthvað annað en grænmetisæturnar í Edinborg.
Maður sér fullt af forvitnilegu fólki á götunum. Krumpugallagengi og vatnsgreidda, grásprengda karla í leðurjökkum, sem eru örugglega ekki að herma eftir stílnum í Sopranos. Ég þori engan veginn að greina þetta, manni skilst að stéttastrúktúrinn í Bretlandi sé svo flókinn.
Annars eru allir strákarnir í bekknum mínum mótmælendur og Rangers aðdáendur. Samkvæmt staðalmyndinni eiga þeir að vera mýkri menn og menntaðri meðan kaþólikkarnir í Celtics eru harðari naglar með meiri skít undir nöglunum. En n.b. þá eru blæbrigðin víst margfalt flóknari og ég er viss um að það eru til bunkar lærðra ritgerða um stéttamynstur í Glasgow og mörgum öðrum breskum borgum.
Dýrðlingurinn sem söfnuðurinn sem við sungum fyrir er nefndur eftir heitir Columbas og því var hvíslað að mér að á 10. öld hafi hann kveðið niður skrímsli. Þar er víst á ferðinni eitt púslið í mítunni um Loch ness skrímslið. Ég var spenntur að sjá hvaða brögðum fulltrúar páfa beittu til að heilla lýðinn en fyrir utan reykelsismökkinn var ekki mikill munur á þessari guðsþjónustu og venjulegri íslenskri messu. Bara lengri, örugglega tvöfalt lengri, sem mér finnst ótrúlegt að sé vel fallið til lýðhylli.
Skil ekki ennþá af hverju menn gáfu fjölgyðistrú upp á bátinn. Þar eru margfaldir möguleikar. Um daginn var þáttur um trúleysi á BBC undir stjórn gamals og gráhærðs séntilmennis sem lærði við Cambridge fyrir áratugum síðan. Hann lá ekki á skýringum sínum og sagði einfaldlega hafa vantað geðveikraspítala í miðausturlöndum fyrir 2.000 árum. Það er margt í mörgu! Múslimarnir halda að þeir séu með betri útgáfu af orði Guðs en gyðingarnir og kristna fólkið, þeirra útgáfa sé nýrri og réttari. Hver kaupir það ekki að Orð Guðs 7 sé betra en Orð Guðs 0? En sem tiltrúarmaður á valfrelsið mæli ég einfaldlega með góðri fjölgyðistrú, hafi menn trúarþörf á annað borð. Þar ættu allir að finna eitthvað við sitt hæfi.
said...
GOD LOVES CELTIC!!!!!!
p.s. þessi gaur er örugglega bara hann Sæmundur fróði frá Odda, amk. gerði hann mikklu meira en að kveða niður eitthvað skrímsli, demdu þessu á þá kaþólsku og þeir munu éta úr lófa þínum
said...
Stinni, vorum við ekki búnir að ræða þetta og ákveða að þú myndir halda með Celtic, enda eru hinir bara fooking prodestant cunts. Ég held að það hafi verið skref í rétta átt að syngja í kaþólskri messu, en þú verður að skipta um bekk, það er alveg á hreinu.
Kveðja,
Háli Slick-
said...
Kristinn minn, mér finnst endilega að þú eigir afmæli í dag?! Er ég að rugla? Ef þú átt afmæli þá segi ég bara innilega til hamingju með daginn. Ef þú átt ekki afmæli....þá bara eigðu samt góðan dag!
Sniðug færsla um kaþólikkana og mótmælendurna. Þetta er eins hér á Írlandi þó kaþólikkarnir séu í mjög miklum meirihluta. Og hér eru líka allskonar stílar í gangi á götum úti, jogginggallarnir og "gelaða hárið" er mjög algeng sjón! "Soprano-lookið" líka....skondnar þjóðir!
Kv. frá Dublin,
Elín.
said...
Samkvæmt kreddunni er Guð kaþólikki og heldur með Celtic. Við Gunnar ætluðum um árið að snúast til kaþólskrar trúar en þetta var þegar Gunnar bjó í hverfi kaþólikka á Ísafirði og spennan mögnuð. Ekkert varð úr og stuttu síðar var Gyðingdómurinn málið, margt mikilmenna júðskir að sið og við töldum okkur í þeim hópi. En ekkert varð úr. Ætli Kabbala sé ekki málið?
Smári Karlsson
said...
Samkvæmt kreddunni er Guð kaþólikki og heldur með Celtic. Við Gunnar ætluðum um árið að snúast til kaþólskrar trúar en þetta var þegar Gunnar bjó í hverfi kaþólikka á Ísafirði og spennan mögnuð. Ekkert varð úr og stuttu síðar var Gyðingdómurinn málið, margt mikilmenna júðskir að sið og við töldum okkur í þeim hópi. En ekkert varð úr. Ætli Kabbala sé ekki málið?
Smári Karlsson
Kristinn said...
Menn eru semsagt almennt á Celtic. Já þetta er spurning, þeir virðast a.m.k. hafa Guð á sínu bandi þessa dagana.
Takk fyrir það Elín, en ég á ekki afmæli fyrr en 23., á fimmtudag. Mér finnst þú samt ansi mögnuð að muna þetta!
Sko Smári, fyrst Cat Stevens gat þetta þá getur þú það líka! Falafel og svona, ég held að þetta sé fínt! Beikon er hvort eð er óhollt.
Kristjan said...
Fórstu á völlinn á laugardaginn?
said...
23. er á miðvikudaginn, til hamingju þá
Kveðja
Birna
said...
Ég vil biðja alla kurteislega um að hafa ekki uppi styggðaryrði og niðurrifstal um Flesk, sjálfur hef ég svo og margir er gera sig heimankomna á síðu þessari átt stóbrottnar og unaðslegar stundir þar sem Flesk var haft um hönd og vömb, takk fyrir.
Kristinn said...
Ha nei, maður þarf að skella sér á völlinn bráðum. En það voru allir voða niðurdregnir yfir þessu í skólanum. Celtics eru ítrekað að kjöldraga Rangers.
Uhh, já miðvikudaginn, það er á morgun! Jibbí!
Þetta er hárrétt Steini, ég var nú bara að reyna að bakka Smára upp og hugsaði þetta ekki lengra. Ég á einmitt mjög góðar minningar frá stundum með þér og fleiri góðum mönnum og mikið af fleski.
oakleyses said...
michael kors handbags, moncler, wedding dresses, ugg boots uk, barbour, bottes ugg, canada goose uk, louis vuitton, marc jacobs, swarovski crystal, moncler outlet, moncler, ugg,ugg australia,ugg italia, louis vuitton, doudoune canada goose, juicy couture outlet, replica watches, louis vuitton, canada goose, links of london, thomas sabo, swarovski, doke gabbana outlet, hollister, moncler, lancel, michael kors outlet online, moncler, montre pas cher, juicy couture outlet, pandora charms, canada goose, karen millen, ugg pas cher, moncler, moncler, pandora jewelry, pandora jewelry, toms shoes, moncler, canada goose outlet, barbour jackets, pandora charms, supra shoes, canada goose, michael kors outlet, canada goose outlet, louis vuitton, canada goose, coach outlet, ugg,uggs,uggs canada, sac louis vuitton pas cher
