Eftir margra ára umræðu (samræðu!) okkar Hilmars Magnússonar um kosti og galla inngöngu í Evrópusambandið og upptöku Evrunnar ætla ég að viðurkenna að ég hafði rangt fyrir mér.Samt vil ég haldatil haga að ég hafði rangt fyrir mér í góðri trú.
Þó margvísleg fræðileg rök hnígi að því að sjálfstæð stjórn ríkisfjármála og peningamála sé besta lausnin fyrir Ísland þá sýnir reynslan að þannig virkar það ekki í reynd. Okkur er einfaldlega ekki sjálfrátt í efnahagsmálum. Því fyrr sem við verðum komin undir stöðugleika- og vaxtarsáttmálann og lútum eftirliti Frankfurt og Brussel því betra.
Við getum einfaldlega ekki sett okkur reglur sjálf. Ég neita að trúa því að stjórnmálamennirnir okkar séu heimskir en furðulegt er að hátt vaxtastig komi öllum á óvart þegar ríkisfjármálin eru úr takti við efnahagslífið og opinber orkufyrirtæki keppast við að koma á stórframkvæmdum með því að niðurgreiða iðnað sem fær að auki gríðarlegar losunarheimildir ókeypis.
Í nýútkominni ársskýrslu Efnahags- og framfarastofnunarinnar er skemmtilegt graf sem sýnir að ríkisfjármálin og peningastefnan hafa unnið gegn hvorri annarri í tæpan áratug. Þá eru ítrekuð (árleg) tilmæli um það ekki eigi að fara í stóriðjuframkvæmdir nema þær lúti markaðslögmálum. Atvinnugreinar verða að keppa á jafnréttisgrundvelli svo þær skilvirkari ryðji þeim óskilvirkari úr vegi en ekki þannig að þær niðurgreiddu ryðji þeim óniðurgreiddu úr vegi. Þetta er margbúið að útskýra. Annað hvort nenna menn ekki að hlusta eða þeir þykjast ekki skilja.
said...
Kristinn!!!!!
Ertu enn þeirrar skoðunnar á að innganga sé heppileg ef þú horfir á heildarpakkann en ekki bara efnahagsmálin?
Kristinn said...
Já svona meira og minna. Auðvitað er endalaust af kostum og göllum sem hægt er að tína til en mér sýnist að svona í stórum dráttum sé íslenskum hagsmunum vel borgið innan ESB.
Skilst að sjávarútvegsstefnan byggi á þeirri meginreglu að þeir sem hafi veiðireynsluna fái fiskinn og það hafa náttúrlega engir aðrir veiðireynsly á Íslandsmiðum en Íslendingar. Að sama skapi er kveðið á um að veiðiráðgjöfin skuli byggja á mati fróðustu sérfræðinga, sem í Íslands tilviki er Hafró, svo ekki verður mikil breyting þar á. Auðvitað finnst útvegnum miklu þægilegra að díla við ráðuneyti á Skúlagötunni en þurfa að díla við stærra apparat svo ég skil vel að þar á bæ séu menn ekki spenntir, en það eru engir grundvallarhagsmunir í húfi.
Lengi vonaði ég að íslenska landbúnaðarkerfið yrði tekið í gegn og verslunarfrelsi sett á oddinn. Það virðist ekki vera á dagskrá. ESB kerfið er víst aðeins skárra skv. úttektum OECD og má orna sér við þá von að fátækari ríkin nái að þrýsta á um einhverjar breytingar.
Nú hvað varðar byggðastyrki þá er ekki von á neinum kraftaverkum frá Brussel, en við ættum að falla undir Norðurslóðaskilgreininguna og m.v. höfðatölu mætti skjóta á að stærðargráðan gæti verið nokkur hundruð milljónir á ári, svo það væri kannski hægt að gera upp nokkur félagsheimili.
Annars slæ ég þann fyrirvara að það er soldið síðan ég hef grúskað í þessu svo það kann eitthvað að hafa breyst.
Kristinn said...
P.s. hvað varðar byggðastyrkina, þá á ég við fjárhæð styrkja til alls þess svæðis sem telst styrkhæft.
said...
Húrra húrra loksins kominn út úr skápnum:)´
Kv Súni.
said...
...seint verð ég talin til fylgismanna inngöngu Íslands í EU,
en rök þín Kristinn um óhæfa íslenska stjórnmálamenn er sennilega þau bestu meðmæli sem ég hef séð fyrir inngöngu, og hvað varðar landbúnaðinn, þá segir nýjasta áligtunn landbúnaðarþings allt sem segja þarf um hversu gegnum rotið kerfið er orðið.
yfirlýsinginn var nokkurnveginn svona.
"bændur vilja starfa við óbreyttar aðstæður". Hvurnn fjandann meina mennirnir !!!! LIFA Á NIÐURGREIÐSLUM OG BEINGREIÐSLUM Í SKJÓLI OFURTOLLA OG MILLILIÐAVÆDDRAR EINOKUNNAR Í SKJÓLI KAPÍTALÍSKRA SVÍNA, BEST Í HEIMI.
Hvar er verslunarfrelsið og réttur neytandans til að velja vöru eftir smekk og geðþótta
said...
Sigga said...
NEI TIL EU! NEI TIL EU! NEI TIL EU! NEI TIL EU!
Kristinn said...
Súni við fáum okkur danska skinku þegar þetta gengur í gegn.
Alveg sammála þér Steini, ég er langt frá því að vera einhver júróböff en sýnist summa kosta og galla liggja í þá áttina.
Já Pétur við þurfum að skoða þetta betur, þyrfti eiginlega að kafa miklu betur í þetta.
Sigga það er að spyrja að ykkur vinstri-grænum. Yndislegasti vinkillinn á Evrópumálunum er að þau sameina íhaldssömustu deildina í Sjálfstæðisflokknum og VG. Hringnum er lokað.
