Sönnunarbyrðin hvílir á ríkisstjórninni að sýna fram á að hún hafi einhvern áhuga á sjávarbyggðunum. F.o.f. snýr þetta þó að Vestfjörðum enda sjávarútvegur tæplega tvöfalt mikilvægari þar en á þeim svæðum sem eru næst mest háð útveginum. E.t.v. á maður ekki að vera svona dómharður. Kannski situr stjórnin einfaldlega uppi með það að geta ekki sagt byggðastefna upphátt því þá trompist meðlimir hverfafélaga mið- og vesturbæjar eða Hóla og Seljahverfa.
Held að forsætisráðherra sjálfur hafi hitt naglann á höfuðið þegar hann kvað upp úr með að mey skuli að morgni lofa.
Síðan hrópaði á mann að ekki orði var eytt í eflingu háskólastigsins á landsbyggðinni. Áhugi minn á þeirri leið í byggðaþróun byggist ekki á því að mér sé uppsigað við feðraveldið eða hafi hlustað of mikið á Sigurrós. Niðurstöður fræðimanna hníga einfaldlega að því að uppbygging héraðsháskóla sé virkasta leiðin í byggðaþróun og sú sem fari lang best með almannafé. Fagna innilega ef farið verður í samgöngu- og fjarskiptabætur og eins ef hugað verður að opinberum störfum því það eru leiðir sem virka. Set hins vegar stórt spurningamerki við eflingu lánastarfsemi byggðastofnunar. Hvaða rugl er það, ætla menn að fara dreifa bitlingum? Ætla stjórnmálamenn að fara að handbjarga einstaka sjávarútvegsfyrirtækjum? Er ekki búið að þrautreyna þá leið?
Sigga said...
Alltaf hægt að treysta á fréttaskýringar þínar Kristinn!
Nú væri auðvitað upplagt að flytja nýju sjávarlíffræðistúdíurnar, sem eru samstarfsverkefni Hólaskóla og HÍ, vestur. Þeir hafa hvort sem er verið að fikra sig í vesturátt frá Hólum í Hjaltadal, fiskeldisdeildin er nær öll komin á Sauðárkrók og það eru fáir sáttir við að þurfa að sameinast í bíla og keyra á hverjum morgni og vesenast. Hér er ekki Bónus (bara Baltasar og Lilja), og Kaupfélagið er allt í öllu. Kennararnir og prófessorarnir eru flestir aðkomumenn og að því er mér heyrist fararsnið á nokkrum. Nær allir nemendur eru aðkomufólk - og einhverjir að vestan.
Það veitir ekki af að hrista aðeins upp í þessu Hólaliði með vestfirskum drifkrafti, fjallalofti (það er varla líft hér fyrir skítalykt frá öllum hrossunum!) og hressleika. Ég er viss um að Doktorarnir; Þorleifur 1 og 2 geta fundið einhver verðug verkefni handa þeim.
Nóg er víst til af húsnæði, og ábyggilegt að þeim mun ekki fækka tómu frystihúsunum sem eru svoleiðis fullkomin undir þessa starfsemi!
Leyfum Skagfirðingum að gera það sem þeir eru bestir í; rækta hross, syngja og vera framúrskarandi bændur og Vestfirðingar geta tekið við þessum fiski.
Bestu kveðjur úr ládeyðunni og menningarleysinu á Sauðárkróki.
Kristinn said...
Þessi ummæli hafa verið fjarlægð af höfundi.
Kristinn said...
Þessi ummæli hafa verið fjarlægð af höfundi.
Kristinn said...
Sigga, ég treysti þér til að hrista upp í þessum langstaðnaða kaupfélagsmóral!
