Af hverju í ósköpunum er ekki hægt að fara með þessi mál í útboðsfarveg eins og OECD hefur marg bent á? Er kannski enginn í stjórnsýslunni og stjórnmálum sem kynnir sér álit fagmanna? T.d. nokkura ára gamla grein Más Guðmundssonar hagfræðings um að frekari aukning álframleiðslu myndi auka óstöðugleika í hagkerfinu þar sem greinin yrði svo ríkjandi í hagkerfinu.
Haldið þið að Norðmenn séu fljúgandi út um allar trissur að bjóða 40 ára bindandi olíusölusamninga með rabbati eða Sádí-Arabar séu með 2 fyrir 1 tilboð. Þessi orkugeiri á að vera bissness, ekki eitthvað feitukallafélag sem hittist einu sinni í viku yfir kökum til að deila út gæðum umbjóðenda sinna. Það verður að hámarka afrakstur auðlindanna! Hversu erfitt er að skilja þetta!
Hvaða gröfudella er þetta sem grípur fullorðna menn slíku heljartaki að rökhugsun og skynsemi er kastað út í veður og vind? Hverjir munu svo bera hitann og þungann af ruðningsáhrifunum? Nú auðvitað landsfjórðungar þar sem menn stunda heiðarlegar og óniðurgreiddar útflutningsgreinar eins og sjávarútveg, ferðaþjónustu og tækniiðnað.
said...
Enn og aftur sammála. Og þó er ég mikill virkjanasinni. Mér finnst vel koma til greina að virkja Gullfoss ef okkur sárlega vantar orkuna til einhverra þjóðþrifaverka. En að virkja, virkjananna vegna er heimskulegt. Og eins og þú segir bitnar það á heiðarlegum útflutningsgreinum, eins og við höfum ítrekað rætt yfir evrópskri rauðvínsflösku. Og engu helvítis Merloti!!!
said...
skrifar kristinn einsog hann talar?
ég á allavegana létt með að heyra rödd hans í hausnum á mér þegar ég les skriftina hans.
og þegar ég ber hana saman við t.d. bjarka skrift hérna fyrir neðan þá á ég erfiðara með að koma röddinni og talsmáta hans fyrir.
eða er þetta bara ég.
Smári Karlsson said...
Þetta er bara þú Kolbeinn, bara þú.
Vissulega er það leiðinlegt fyrir þig Kristinn minn að vopnabræður þínir á hægri vængnum taki þátt í þessum stalínínsku aðgerðum en kemur það á óvart?
Ég hef ekki séð að hugsjónirnar risti djúpt hjá frjálshyggjuköppunum í Sjálfstæðisflokknum, nema kannski í einstaka spjallþátti en ekki þegar kemur að því að þrýsta á hnappinn í Alþingi.
Kristinn said...
Nei þettu eru sko ekki mál til að ræða yfir neinu helvítis merlot. Þau verðuskulda sko pinot.
Vertu velkominn Kolbeinn, og kommentaðu sem oftast.
Úff Smári, stundum finnst manni stjórnmálin alveg glötuð. Velti því fyrir mér hvort geti verið að stór hluti stjórnmálamanna hafi bara engann áhuga á opinberri stefnumótun.
