Því er haldið fram að Vestfirðingar séu sívælandi aumingjar sem geri ekki annað en að kvarta og ákalla ríkið um aukin fjárútlát. Þá skorti allt frumkvæði til að bjarga sér sjálfir og hafi hvort eð er grafið sína eigin gröf með því að selja frá sér allan kvóta.Hér verður sýnt fram á þetta er mesta kjaftæði. En kjaftæði til að hafa verulegar áhyggjur því einhverstaðar í félagssálfræðinni stendur að klifi menn nógu lengi verði því trúað að lokum.
Þekki menn eitthvað til í atvinnulífinu fyrir vestan blasir við að þar hefur verið mikil gerjun og ótrúlegt hversu stór hluti íbúanna stendur í eigin atvinnurekstri og frumkvöðlastarfi (fyrir utan náttúrlega allan þann ómælda fjölda sem starfar af ástríðu við að skapa alls kyns félagsauð í margbrotnu sjálfboðastarfi).
Í grófum dráttum er bara eitt sjávarútvegsfyrirtæki í Ísafjarðarsýslum sem er frá gullaldarárunum, HG í Hnífsdal. En þar hafa menn ekki setið auðum höndum í fortíðarþrá heldur stendur fyrirtækið t.d. í farabroddi nýsköpunar í þorskeldi. Önnur fyrirtæki í veiðum og vinnslu hafa meira og minna verið stofnuð eftir að allt galleríið hrundi saman á 10. áratuginum. Og hvernig skyldu menn stofna útgerð nú á dögum. Jú menn veðsetja fjölskylduna upp að augum og djöflast eins og óðir menn! Er þetta ekki hrár frumkvöðlakraftur? Tugir þannig fyrirtækja starfa um öll pláss. Sá sjávarútvegur sem er á Vestfjörðum í dag var varla til fyrir 10 árum og alls ekki 20. Það er allt breytt, fyrirtækin, aðferðirnar, jú neim it!
Einn stærsti vinnustaðurinn á Ísafirði er 3X-technology sem flytur út tæknibúnað í matvælavinnslu. Það var stofnaði af 2 eða 3 köllum í skúr á Suðurtanga árið 1994. Helvíti mikið frumkvæði þar!
Fyrir vestan er líka starfandi stór jarðvinnuverktaki, KNH, sem tekur að sér verkefni víða um landið og var ekki til fyrir einhverjum árum. Heldur einhver virkilega að menn hafi bara legið og barmað sér yfir óbærilegri áfallaröskun síðan Guggan fór!
Allra handa iðnaðarmenn hafa sinnt verkum fyrir sunnan ef þannig hefur staðið á. Menn víla það ekki fyrir sér. Einu sinni sóttu Vestfirðingar á Grænlands- og Nýfundnalandsmið. Miðað við það er smámál að sækja til Reykjavíkur.
Hallvarður mágur minn og þeir á Tækniþjónustunni voru t.d. með hönnunarverk í Smáralindinni á sínum tíma meðan verktakabransinn fyrir vestan lá í lægð. Svo er nú aldeilis magnað dæmi True Viking sem þau Eyleif systir mín hafa rekið sem heimilisiðnað.
Útgerðin hjá Gísla bróður hefur verið í miklum vexti. Þar er margt í pípunum og búið að komast yfir ýmsa þröskulda.
Þetta eru bara nokkur dæmi sem ég er að rekja upp úr sjálfum mér á hundavaði. Af mörgu öðru er að taka. Það eru augljós ósannindi að Vestfirðingum skorti sjálfsbjargarviðleitni og frumkvöðlakraft í atvinnumálum. Dæmi eru líka um stórmerkilegar hugmyndir sem voru fullreyndar en gengu einfaldlega ekki upp eins sushiverksmiðjan Sindraberg. Svo er fullt af fyrirtækjum sem eru sprotar í dag, og verða e.t.v. nokkuð lengi, en gætu sprungið út seinna meir. Margir þannig sprotar eru í ferðaþjónustunni. T.d. hið mjög spennandi Aurora Adventures.
Og hvaða stórkostlegu fjárútlát eru þetta sem við eigum að vera að heimta. Venjulegir vegir með slitlagi. Hlutdeild í þeirri gífurlegu fjölgun starfa sem hefur orðið hjá ríkinu og hlutdeild í þeirri miklu opinberu uppbyggingu sem hefur, og á eftir, að fara fram á háskólastiginu. Framlög til Háskólans á Akureyri hafa t.d. tvöfaldast á fimm árum. Honum eru ætlaðar 1.269,5 milljónir á fjárlögum 2007. Ég sé ekki eftir krónu af því, vil bara að aðferðin sé notuð víðar.
Hringið í mig þegar þið ætlið að skera niður, ég skal koma með fullt af hugmyndum. Meðan svo er ekki vil ég að þenslunni sé jafnt út deilt. Annað er mjög skaðlegt fyrir svæðið. Það þarf ekki að keyra fjölsvæða haglíkan til að skýra þetta fyrir fólki. Það er alveg ljóst að þegar jafn stór geiri og ríkið þenst út hefur það mikinn togkraft á fólk og fyrirtæki. Ef ríkið þenst út alls staðar nema á einum stað er alveg ljóst hvaða áhrif það hefur.
Eins og hefur verið bent á áður hér á síðunni þá fer fram öfug byggaðstefna í landinu og ríkið hefur vaxið alls staðar nema á Vestfjörðum. Héraðsháskólar er sú byggðaaðgerð sem einna best reynsla er af. M.a. Þrábent hefur verið á þörfina fyrir að auka rannsóknarstarfsemi til að standa undir háþróuðu atvinnulífi. Eftir hverju eru menn að bíða?
Er það stórkostleg heimtufrekja að hægt sé að ferðast allt árið á malbikuðum vegi til höfuðborgarinnar og innan héraðs án þess að vera í bráðri hættu af skriðuföllum? Það er enginn að biðja um hraðlestir eins og í Norður-Svíðþjóð. Evrópumenn hafa löngu gert sér grein fyrir þjóðhagslegu gildi samgöngumannvirkja en hérna borum við tugi kílómetra jarðganga í virkjunum til að geta selt fyrirtækjum niðurgreidda orku. Þvílíkt bull! Vestfirðingar vinna sína vinnu, borga skatta og ala upp börnin sín eins og annað fólk. Mér finnst með ólíkindum að sú þjóðsaga gangi meðal upplýsts og vel menntaðs fólks hér syðra að landsbyggðin sé einhverskonar baggi á höfuðborgarsvæðinu. Hver stendur eiginlega fyrir þessum rógburði?
Svo ansa ég ekki þeim rökum að maður eigi að vera niðurlútur af sektarkennd yfir því að einhver hafi selt kvóta í burtu. Þannig virkar einfaldlega kerfið og ekkert sem ég eða einhver annar óbreyttur Vestfirðingur getur gert við því. A.m.k. er ekki hægt álasa Vestfirðingum fyrir að hafa ekki lagt sitt af mörkum til að reyna að breyta kerfinu!
Að baki títtnefndum kvótasölum lágu margvíslegar ástæður. Græðgi, klaufaskapur, einfeldni, óheppni, dramb og allt þar á milli. Í þessari umræðu allri hefur t.d. láðst að geta þess að ein grein sjávarútvegsins sem var mjög mikilvæg á Vestfjörðum og Norðurlandi vestra hefur nær alfarið lagst af á rúmum áratug. Þ.e. rækjan. Þá er ýmislegt málum blandið í þætti bankanna í frægum áföllum og enn óuppgert. Þar er náttúrlega efst á blaði aðkoma Landsbankans að hinni kvótaríku útgerð EG í Bolungarvík. Sú jólabók er enn óskrifuð. Hins vegar frétti ég að sjávarútvegsráðherra hefði lagt drög að handriti í nýlegu viðtali við sjávarútvegstímaritið Ægi. Maður þarf að komast í það blað hið fyrsta.
Að lokum þetta. Vestfirðingar hafa gengið í gegnum mjög erfiða aðlögun að sögulegri kerfisbreytingu í atvinnuháttum þar sem þáttur þjónustu eykst á kostnað framleiðslu. Þetta ferli stendur enn yfir. Ofan í þetta hefur lagst alls kyns óáran, mannleg og náttúrleg. Hið opinbera hefur ekki hjálpað svæðinu að vinna sig í gegnum þetta umbreytingarferli. Þvert á móti. Þjóðhagslegur óstöðugleiki hefur gert útflutningsfyrirtækjunum óleik og þenslu hefur verið hleypt á önnur svæði.
Þeir sem hafa kallað Vestfirðinga aumingja ættu að skammast sín.
said...
Heyr heyr !!! Stinni Hemm
Þarna hittir þún naglann á höfuðið,
hversu oft hefur maður fengið að heyra " ÞIÐ selduð kvótann frá YKKUR "
Helvítis drulluþambarar sem aldrei hafa migið standandi nema þeir hafi misst það í buxurnar
Smári Karlsson said...
Gleymir að telja eitt atriði til sem varð til þess að skapa þessa ímynd af okkur (með réttu og röngu) en það var hin skelfilega og niðurlægjandi Vestfjarðaraðstoð fyrir rúmum áratug.
Ef við tökum norðanverða Vestfirði þá hefur kvótakerfið ekki leikið okkur eins grátt og margir ætla. Eftir því sem ég best veit er aflahlutdeild Bolvíkinga sama eða meiri en hún var þegar best lét á tímum EG og landaður afli á Flateyri er meiri en nokkurn tímann var á skuttogaraöld. Talsverð útgerð er á Suðureyri.
Það er á Ísafirði sem útgerðin hefur verulega látið á sjá og sömuleiðis í Súðavík.
En helvítis rækjan þurfti að hverfa og verða verðlaus og það hefur reynst erfiður biti.
Kristinn said...
Úff, sá þungi kross og stingandi þyrnikóróna sem Vestfjarðaaðstoðin var. Eiginlega er maður hræddastur við að einhverjir álíka eitraðir bitlingar komi út úr stressinu núna fyrir kosningarnar.
said...
Mér verður óglatt þegar ég heyri minnst á þessa helvítis vestfjarðaaðstoð. þvílík aðstoð líka, 200 milljónir í klósettið og sjálfsvirðingin á eftir
said...
ég endurtek: 200 milljónir, ekki 200 milljarðar
said...
Mig langar að bæta við þetta einu dæmi (ég þarf að koma mínum hjartans málum að) og það eru vestfirskir kúabændur sem hafa sýnt þennan frumkvöðlaanda í verki. Þeim tókst, með því að leggjast í gríðarlegar fjárfestingar fyrir tækjum, skepnum og kvóta, að sjá til þess að Mjólkursamlag Ísfirðinga er rekið áfram. Ef þeir hefðu ekki farið út í þetta hefði samlagið lokað og þeir misst vinnuna sem þar starfa.
Svo er náttúrulega allt annar handleggur það sölukerfi allt og það er allt of snemma morguns til að fara að velta því fyrir sér eina ferðina enn!
Kv.
Sigga
ps. Þú ert vonandi að fá þessi skrif birt einhversstaðar!
pps. BT Thunder var í Orð skulu standa laugardaginn síðasta á Rás 1!
said...
Já gott fólk, ekki mál gleyma þætti hinnar rómuðu fiskveiðistjórnar og hlutlausra/vísindalegu ráðlegginga Hafró þegar kemur að fiskveiðiheimildum s.b. Grálúða - rækja - Þorskur- loðna - sápuóperan
said...
Bravo, bravo Kristinn!
Samgöngur, samgöngur það er málið, það eru betri samgöngur í Færeyjum (þökk sé dönum) en innanbæjar á Ísafirði.
Hversu lengi eigum við sem búum á Vestfjörðum að gjalda þess að menn tóku rangar ákvarðanir hér fyrir 20 árum, hér var veðjað á landvinnslu og ísfisktogara, meðan flestir aðrir fóru út í frystitogarana.
Lifið heil.
Kv P.Súni
said...
djöfull hvað maður getur verið pirraður þegar maður hittir fávita sem reyna að telja manni trú um að allt sé vestfirðinum að kenna hvernig komið er fyrir svæðinu eins og þeir orða það og þegar sömu fíflinn segja að fólkið á höfurborgarsvæðinu sé að halda vestfirðingum uppi með sínum skattgreiðslum. maður verður alveg brjálaður.
kv
Hannibal
said...
Frábærir pistlar hjá þér!
Kv. Arna
said...
kristinn þú ert snilldar penni með frábærar hugmyndir ...
(er enn að hugsa um hugmynd þína um að vestfirðingar stofni fríríki :-)
kveðja þóra
said...
Sæll Stinni. Hef verið að spóla í gegnum hagfræðipistlana þína. Gaman að sjá að þú ert aftur orðinn virkur í netheimum, annað en ég sem ætti að skammast mín.
Það er alveg glatað hvernig fólki hefur tekist að misskilja málið og halda að við séum að biðja um „sértækar aðgerðir“ eins og aðra Vestfjarðaaðstoð. Slíkri aðstoð myndi ég ekki óska til handa neinum nema kannski versta óvini mínum. Þvílíkt PR-sjálfsmorð sem það var fyrir svæðið.
oakleyses said...
cheap oakley sunglasses, tiffany jewelry, replica watches, longchamp outlet, ray ban sunglasses, michael kors, prada handbags, michael kors outlet, longchamp outlet, christian louboutin outlet, louboutin, uggs on sale, burberry, michael kors outlet, michael kors outlet, nike outlet, polo ralph lauren outlet, ugg boots, ugg boots, prada outlet, polo ralph lauren outlet, tory burch outlet, michael kors outlet, burberry outlet online, kate spade outlet, ray ban sunglasses, gucci outlet, louboutin outlet, ugg boots, louis vuitton outlet, louis vuitton, oakley sunglasses, louboutin shoes, jordan shoes, louis vuitton, tiffany and co, ray ban sunglasses, nike air max, louis vuitton outlet, longchamp, replica watches, oakley sunglasses, nike free, ugg boots, oakley sunglasses, chanel handbags, michael kors outlet
oakleyses said...
coach purses, true religion jeans, nike air max, ray ban pas cher, vans pas cher, ralph lauren pas cher, coach outlet, north face, hogan, true religion outlet, nike free, true religion jeans, air jordan pas cher, hermes, air force, ray ban uk, ralph lauren uk, lululemon, air max, north face, sac guess, new balance pas cher, hollister pas cher, nike air max, mulberry, lacoste pas cher, nike blazer, louboutin pas cher, abercrombie and fitch, nike roshe run, converse pas cher, michael kors, tn pas cher, true religion jeans, longchamp pas cher, nike free run uk, timberland, burberry, nike roshe, michael kors, oakley pas cher, kate spade handbags, michael kors, coach factory outlet, sac longchamp, hollister, coach outlet, michael kors, vanessa bruno, nike air max
oakleyses said...
michael kors handbags, moncler, wedding dresses, ugg boots uk, barbour, bottes ugg, canada goose uk, louis vuitton, marc jacobs, swarovski crystal, moncler outlet, moncler, ugg,ugg australia,ugg italia, louis vuitton, doudoune canada goose, juicy couture outlet, replica watches, louis vuitton, canada goose, links of london, thomas sabo, swarovski, doke gabbana outlet, hollister, moncler, lancel, michael kors outlet online, moncler, montre pas cher, juicy couture outlet, pandora charms, canada goose, karen millen, ugg pas cher, moncler, moncler, pandora jewelry, pandora jewelry, toms shoes, moncler, canada goose outlet, barbour jackets, pandora charms, supra shoes, canada goose, michael kors outlet, canada goose outlet, louis vuitton, canada goose, coach outlet, ugg,uggs,uggs canada, sac louis vuitton pas cher
