Vikuna áður fékk ég flensu sem var frekar glatað. Sérstaklega af því ég veiktist í árshátíðarferð með vinnunni til Ljubljana í Slóveníu. Verð bara að fara þangað aftur, enda flottur staður og bæði gott og ódýrt að borða og drekka þar. Til Ljubljana kom ég frá Glasgow þar sem ég var að útskrifast frá Stratchlyde. Að sjálfsögðu var það tóm gleði. Bæði var ég mjög montinn yfir að útskrifast með láði, eða distinction eins og Bretarnir segja, og svo eru skosku skólafélagarnir algjörir snillingar. Útskriftin var afar pompmikil svo ekki sé fastar að orði kveðið. Mikið búningadrama og skrautleg ceremónía. Skilst að skosku skólarnir séu jafnvel meira fyrir pompið en þeir ensku. Svo bætir víst enn í að Strathclyde er háskóli samkvæmt tilnefningu krúnunnar en ekki ákvörðun borgaralegra yfirvalda. Þetta var ægilega dramatískt, rektor sat á hásæti fyrir aftan veldissprota skólans og svo var hver kallaður upp til að krjúpa fyrir framan hann áður en skírteinið var afhent. Pottþétt svona had to be there moment. Lifði mig alveg inn í stemmninguna þá en finnst mjög furðulegt að hugsa um þetta frá viðhafnarlausa Íslandi.
Strákanir í bekknum græjuðu sig allir með skotapils fyrir útskriftina sem reyndist snilldarlega. Mjög þægileg spariföt. Kæmi sér nú vel hérlendis ef fólk klæddi sig upp með því að vefja utan um sig ullarteppi. Alger snilld í leigubílaröðinni!
Ég á hins vegar eftir að græja myndir af þessum dæmum því ég fann ekki stafrænu vélina til að taka með út og svo var hún óhlaðin um síðustu helgi. Þess vegna fór myndataka fram á einnota myndavél sem á enn eftir að framkalla. Það kemur að því...
said...
og veitingar guðdómlegar!!!! takk fyrir mig og mín börn, sæki bílana við tækifæri - Lufsan
said...
Mótmæli því náttúrulega harðlega að talað sé um viskíflöskuna mína sem einhverja eftirlegukind. Respect the bottle! Kem fljótlega og frelsa hana.
Annars, takk kærlega fyrir mig, hlakka til næstu endurfunda.
Sigga said...
Til hamingju með innflutninginn og útskriftina, kannski maður kíki á þig þegar ég kem heim á aðventunni, vantar þig ekki eitthvað? viskustykki eða eitthvað þannig?? Smári kemur þegar aðventan er búin, á Þorlák.
kveðjur úr meginlandslegu nóvemberógeði.
Kristinn said...
Ekkert mál að geyma bílana, bara gott að ekkert barn gleymdist. Annars er þetta náttúrlega stórhættulegur tími til að gleyma viskíflöskum í húsum því þær gætu endað sem uppbleyting í jólaköku...en maður færi sjálfsagt ekki að nota eðal skoskt maltviskí í það. Sigga endilega líttu inn þegar þú kemur í bæinn, manni vantar náttúrlega alltaf eitthvað til að minna sig á gamla landið. Mynd af Noregskonungi væri t.d. vel þegin.
said...
Þakka kærlega fyrir mig og mína. Frábær veisla og skemmtileg tilbreyting í annars þunglyndilegan nóvembermánuð. Sting upp á jólabrönsi í desember - er ekki fílingur fyrir því? Allir koma með eitthvað jóla. Kveðja Sunna
said...
Þetta var hið mesta fyrirmyndarpartý, það verður að segjast. Takk fyrir okkur.
