Vá! Skyldi sá tími loksins vera kominn að ríkið gefi okkur lausan tauminn til að leggjast í útlenskan lúxus eins og kjúklinga og nautakjöt? Ég trúi því ekki fyrr en á er tekið að tollar á kjöti eigi að lækka um næstum helming. Bíð eftir að verði upplýst að stjórnarherrarnir hafi ekki meint lækkun um 40 prósent heldur 40 prósentustig, t.d. úr 380% í 340%. Þykist svo vita að Guðni hafi einhver leynivopn í takinu, fríki út á tæknilegum viðskiptahindrunum, kjötið verði allt stoppað í tolli út af ónógum vottorðum og svo framvegis...
Utan frá séð virðist leitun að öðru eins bunker mentalíteti og einkennir talsmenn íslensks landbúnaðar. Eins og menn keppist við að peppa hvorn annan upp í því að útlenskur matur sé allur fullur af eitri og hormónum. Manneldissýn Framsóknarflokksins um að Íslendingar lifi á hollu lambakjöti og drekki mjólk með stenst bara því miður ekki. Það er leitun að fólki sem trítar sig með slíku kostafóðri nema það leggi á sig endalausa vinnu við að rækta það sjálft. Nú jesúsa framsóknarmenn allra flokka sig í bak og fyrir yfir því að landinn venjist af sínum þjóðlega kosti fyrir útlent hormónakjöt og baneitrað hollenskt grænmeti. Reyndin er hins vegar sú að helsta fóðrið er ristað brauð, pasta, dísæta jógúrtógeðið sem mjólkurmónópólíið skaffar manni og hrísgrjón með torkennilegu sósusulli. Ekki að undra að flíspeysurnar séu strekktar undan aukakílóum og við stöndum í miðju þjóðarátaki um aukna hjarta- og æðasjúkdóma.
Þannig getur það bara verið til bóta ef væntanlegar verðlækkanir verða til þess að fólk fer í auknum mæli að borða almennilegan mat en ekki ristað brauð í öll mál. Þar fyrir utan skil ég ekki hvernig fólk getur haldið þessari fáránlegu hugmynd fram að matur á meginlandinu sé almennt eitraður! Menn þurfa að halda virkilega fast fyrir augun til að sjá ekki þá yfirburði sem frændur okkar þar búa við hvað varðar úrval, gæði og verð. Væri a.m.k. mjög til í að komast í hollenska sveppi sem rýrna ekki um helming í steikingu og drekkja smjörinu í torkennilegum sveppasafa. Helvítis sveppaeinokaranum á Flúðum hefur ábyggilega tekist að fósa sveppina!
Þar fyrir utan er ekki eins og íslenskar búðir séu fullar af heilbrigðu kjarnfóðri. Getur einhver ímyndað sér að kryddlegna kjötið, sem er með íföstu season all bragði sama hvað með reynir að útvatna það, myndi fá hillupláss einhversstaðar í Evrópu. Kannski í Bretlandi þar sem er líka hefð fyrir því að bjóða almenningi upp á hakkaða beljurassa en varla annars staðar...
En ekki nóg með að framsóknarmennirnir séu klikk heldur er liðið sem rekur matvörubúðirnar hérna gjörsamlega að skíta á sig. Mætti halda að það væru Danskir einokunardagar í 10-11 og Íslenskir dónadagar í Bónus. Þrautreyndi í gær að finna ómygluð vínber í 10-11, endaði á því að taka skásta klasann og plokka út þau sem voru ókei í Waldorfið með sunnudagssteikinni (sem var nota bene kindafile úr Hagkaup á 2.495 kílóið, kostakjör miðað allt og allt og stórgott kjöt (leið eins og ég væri að koma í fyrsta skiptið til útlanda af því ég fékk far í stórverslun í úthverfi)). Svo þarf tæpast að útskýra troðninginn, dónaskapinn og ruglið sem Bónusferð felur í sér. Held ég þurfi að taka með mér vídeótökuvél til Glasgow til að einhver trúi því hvað starfsmenn og viðskiptavinir stórmarkaða geta verið kurteisir og kammó.
Sigga said...
Heyr heyr og heyr!
Bændur eru fastir í hlekkjum lélegs sjálfstrausts, lélegrar forystu sem er ragari en nokkur geit, íhaldssemi fræðimanna og eineltis neytenda. Þeir fá ekki að stunda neina nýsköpun því þeir hafa ekkert svigrúm, heftir af kvótum, verðlagsnefndum og flokksskírteininu í Framsóknarflokknum.
Mér finnst að neytendasamtökin ættu í stað þess að einblína á aukinn innflutning að leita samstarfs með þeim bændum sem virkilega langar til að breyta þessu, því þeir eru ábyggilega til einhversstaðar inn til dala og fram á heiðum og let's face it, það er ekki sama öryggið og gæðin í hollensku lambakjöti og íslensku, að ég tali nú ekki um mjólkina!
Kristinn said...
Sammála þér Sigga að það er forgangsmál að frelsa bændur undan þessari kerfisánuð. Fáránlegt að menn megi ekki framleiða það sem þeim sýnist og selja á frjálsum markaði. Hrafn Gunnlaugsson lýsti þessari Sambandssúpu allri saman í Óðali feðranna fyrir rúmum tuttugu árum og ekkert hefur breyst.
Ég er alveg handviss um að Hollendingar hafa hvorki hlutfallslega né algera yfirburði yfir íslenska bændur í rekstri sauðfjárbúa. En mér fannst mjólkin fín, reyndar drakk ég alltaf ferska mjólk sem þótti úrkynjaður lúxus hjá innfæddum stúdentum sem drukku G-mjólk. En grænmetið var hreint til fyrirmyndar og svo náttúrlega spænska nautakjötið sem var verkað í Póllandi.
Vissi að Guðni væri að snúa á okkur. Las í morgun að tollaniðurfellingin á kjötið er aðeins innan kvóta. Þannig mun neytendaábatinn sem hefði getað myndast gufa upp í bullandi rentusókn.
said...
Ég get tekið undir nánast allt sem þú segir í þessum pistli. Skortur að verða á öllu kjöti sem heldur verði í toppi en ekki má flytja kjöt ínn nema ofurtollað.
En þú ert svo agalega reiður út í kaupmennina í Reykjavík, næst þegar þú kemur vestur skal ég lofa þér góðum vínberjum og einstakri þjónustu :o)
kv KK
Kristinn said...
Hlakka til að koma í Samkaup á Ísafirði og njóta persónulegrar þjónustu kaupmanna sem taka heiður stéttarinnar alvarlega. Það er nú eitthvað annað en blessaðir unglingarnir sem vinna í verslunum bæjarins án þess að hafa nokkra kunnáttu til.
said...
...já djöfuls viðbjóður aðveraaðversla t.d. í Húsasmiðjunni
sem á að heita sérverlsun og gefur sig út fyrir að veita faglega þjónustu, á stuttum tíma hef ég annars vegar aðstoðað kúnna vegna getuleysis starfsfólks og hinns vegar vísað "aðstoð" á brott og beðið ókurteislega um frið til að versla.
Helvítis soðlappar,ræpusnúðar og drulluskrúfur sem þekkja ekki muninn á Grálúðu og hundasúru.
Kristinn said...
Ha ha ha, já þessir helvítis ræpusnúðar eru óþolandi, að ekki sé talað um skræðunjólana. Hef ekki mikið vit á byggingarvörum en hef á skömmum tíma sannreynt að það er mun öruggara að treysta á eigin hyggjuvit en afgreiðslufólkið í þeim efnum, þvílíkt steikt lið! Þarf að fá almennilega kreppu svo spítalar og verslanir fari að virka aftur.
