Mér finnst algert óráð að hafa kosningar á vorin, það setur próftöku og ritgerðaskrif alveg úr skorðum. Nær væri að kjósa á sumrin, þá er hvort eð er ekkert um að vera nema fótbolti. Það endaði með að ég úrskurðaði sjálfan mig í pólitískt straff og hætti að fylgjast með debatinu. Fyrir mér eru kosningar mikið meira spennandi en HM og hægt að verða gjörsamlega heltekinn. Þannig verður spennandi að setjast niður í kvöld og fylgjast með.Hvað sem fólki finnst um það sem hefur verið skrifað, þá held ég að fjölmennari hópur fólks hafi aldrei tekið formlegan þátt í stjórnmálaumræðunni fyrir vestan en nú. Greinaplássin á BB-vefnum hafa verið uppfærð tvisvar og jafnvel þrisvar á dag núna undir það síðasta sem hlýtur að teljast mjög jákvætt. Ég útlistaði mína afstöðu um daginn: http://bb.is/?PageID=161&NewsID=69851
Ókei, það verður að viðurkennast að ég stalst aðeins til að kíkja á pístlana á BB í morgun. Þar var ég sérstaklega hrifinn af grein Geirþrúðar rótara sem súmmeraði upp það sem ég hef verið að hugsa:
"Við breytum ekki breytinganna vegna. Frambjóðendur Í-listans tala um nauðsynlegar breytingar en ég hef ekki enn heyrt hverjar þær eru. [...] Það er ekki traustvekjandi fyrir okkur kjósendur þegar aðalmál þeirra er að fella Sjálfstæðisflokkinn. Það er ekki málefni, og ekki á borð berandi fyrir okkur kjósendur sem eigum að fela þeim ábyrgðina á bæjarfélaginu."
Sjá á bb.is: http://bb.is/?PageID=153&NewsID=70424
Sigga said...
Til hamingju með sigur bleika liðsins! Get nú varla sagt að þau hafi átt þetta skilið eftir þetta hrikalega tónlistarmyndband sem þau tóku upp. Jesúsminn, kjánahrollurinn!
Eiríkur Örn Norðdahl said...
Svona almennt séð er ég ósammála þessum punkti. Ég held það geri engum gott að sitja of lengi að völdum og oft eru breytingar bara nauðsynlegar, bara fyrir að vera breytingar - þó ég sé nú ansi hræddur um að Siggi Péturs myndi ekki skrifa upp á að það hafi verið pointið, ekki einu sinni einn með sjálfum sér. Átta ár er feykinóg fyrir einn meirihluta. Í það minnsta feykinóg fyrir sama fólkið - hvað sem líður flokkaskiptingunni.
