Til að fagna prófalokunum skellti ég mér til Amsterdam en þangað hef ég ekki farið þrátt fyrir að ferðin sé einungis tveir og hálfur tími og það gangi lest beint frá Maastricht. Hollenskir samferðarmenn mínir höfðu hvatt mig óspart til að fara sem fyrst því ég yrði vafalaust heillaður af borginni og vildi því ekki lenda í því rétt áður en ég færi heim. Menn virðast þó ekki 100% sammála um ágæti Amsterdam því einn húsfélaga minna sagði borgina fyrir smekklaust fólk. En mér fannst rosa skemmtileg stemmning og gekk eins og óður maður um borgina í tvo daga og tók helling af síkjamyndum - sem eru reyndar æðislegar túristaklisjur en það var mjög gaman að taka þær.
