Með nokkuð (mjög) mikilli vissu er hægt að fullyrða að ég er ekki sérstaklega fyrirhyggjusamur. Til marks um þetta má nefna ýmis dæmi en til að dælda ekki mannorðið meira en orðið er ætla ég að sleppa því og eftirláta lesendum sem þekkja til að rifja þau upp. Þetta er þó allt að breytast í seinni tíð og með hverju árinu sé ég lengra fram í tíman og fylli út í fleiri reiti á dagatölum og í dagbókum. Þar sem fyrirhyggja er áunninn eiginleiki hjá mér en ekki náttúrulegur vilja niðurstöðurnar stundum verða svolítið kekkjóttar. Þetta er jafn vandasamur samruni og rauðvín í rjómasósu. Þannig hefur maður t.d. spælt sig yfir flugferðum sem hafa verið keyptar á spottprís langt fram í tímann, en svo á endanum hefur þurft að breyta dagsetningum fyrir morð fjár.
Nú síðast í dag veiti fyrirhyggjusemin mér harkalegan löðrung en þannig er hátturinn hér á heimilinu að til þess að eiga örugglega alltaf mjólk í kaffið keypti ég í haust forláta kaffirjóma í eins bolla einingum, eins og er boðið upp á í flugvélunum. Þessi ráðstöfun hefur komið sér vel því ef svo illa fer að maður eigi ekki mjólk á morgnana þá getur maður alltaf fengið rjóma í kaffið. Þannig var það einnig í morgun en ekki eftirkastalaust, því undir hádegið var ég orðinn frekar gufulegur og kominn upp í rúm síðdegis með krampakennda magaverki.
Við nánari eftirgrennslan hefur athyglin beinst að kaffirjómanum, sem var örlítið kekkjóttur í morgun en þó varla þannig að það gæfi tilefni til áhyggna, og reyndist útrunnin síðan í byrjun mars. Samt finnst mér það frekar léttvæg skýring, í eina tíð borðaði fólk úldinn mat mánuðum saman og hafði a.m.k. nóga orku til að tóra fram á vor, þetta voru varla nema 2-3 ml af kaffirjóma - nema maður sé orðinn svo gerilsneyddur að innan að það sé nóg til að setja mann út af laginu.
Ef einhver lumar á húsráði til efla innviðina þá er það vel þegið.
Skelli með þessum raunarekstri mynd af kirsuberjatrjám (Prunus eitthvað á latínu;-), en þau blómstra á vorin áður en þau laugfast. Mjög falleg tré og minna mig alltaf á landkynningarbók sem Siggi Gunnars lumar á um Pyongyang höfuðborg Norður Kóreu. Þar eru eintóm kirsuberjatré sem standa í blóma allt árið!!!
Hafdis Sunna said...
Tjékkirát -> http://mbl.is/mm/folk/frett.html?nid=1135851 , loksins kom eitthvað pínulítið sanngjarnt frá tonlist.is :-)
said...
TAKK FYRIR SENDINGUNA KRISTINN MINN!! Það er svo djöfull skemmtilegt að fá eitthvað annað en gluggapóst alltaf. Þetta fer beint út í pott, mjög tæknilegt hjá þessum hollendingum, ég er alveg orðlaus.
Kiddý
said...
Ég held að ég sé með svona tré úti í garði? Það er reyndar meira eins og grein frekar en tré, en var nánast dautt þegar við fluttum hingað en núna sé ég út um gluggan að það eru komin svona fjólublá blóm á það, alveg eins og á myndinni þinni... getur verið að ég sé með svona Norður-Kóreu landkynningartré hérna? Þarf að athuga þetta betur...
Kiddý
said...
Til að læra af mistökunum ættirðu að athuga við næstu matarinnkaup hvort Hollendingar (eða Belgar, hvoru megin sem þú verður..) framleiði ekki G-mjólk! Það er nú meiri snilldaruppfinningin. Annars er ég viss um að gervimjólkin "Milac" sem er út í kaffið hjá Flugleiðum skemmist ekki..
Vorkveðja
Sigríður, Ósló.
ps. Verður þú á Íslandi í allt sumar eða er það óákveðið?
said...
Respect! Strákurinn svona duglegur í latínunni. Svona "fake it 'til you make it" trikk fyrir besservissera er að segja Prunus sp. það gefur til kynna að þetta sé einhver blendingur sem ekki er búið að greina.
Notalegt að sjá kirsuberjatrén blómstra - nokkrar vikur í það enn hér á klakanum.
mbk
Steini
said...
Er þetta ekki prunus okame?
-Eiríkur
said...
Ég hélt að besta vörnin við skemmdum mat væri að alast upp á Ísafirði og drekka mikið vatn milli ´70 og ´90. Allt fínt að frétta hérna, sést varla milli húsa fyrir snjóbil.
said...
birkin bag
hermes bag outlet
kyrie 9
jordan shoes
bape
supreme
kyrie shoes
birkin bag
yeezy shoes
supreme
