Fór í gönguferð seinnipartinn í gær til hressingar yfir lestrinum. Labbaði bara um nágrennið og komst að ýmsu sniðugu. Fyrir vissi ég að dýrahald væri nokkuð útbreitt í hverfinu, enda hafði ég séð strúta og hesta í sumar. Nú sá ég fleiri hesta og hæns, en einhver vanstilltur hani hefur verið að góla kl. 4 hverja nótt að undanförnu. Síðast en ekki síst sá ég nokkur dádýr í húsgarði skammt frá húsinu mínum - ég hélt ég yrði ekki eldri, Bambi og félagar bara hérna í götunni. Þessi bæjarkjarni hérna er alveg þrælskondinn, einskonar samblanda af úthverfi og sveit en býður samt upp á ekta tyrkneska kebab-búllu, vínbúð, bensínstöð, kjörbúð, skóbúð og nokkra pöbba svo reynt sé að gefa hugmynd um menningarstigið. Það er einfaldlega búið að blanda öllu saman, gömlum býlum, nútímalegum einbýlishúsum og náttúrlega dæmigerðum múrsteinahúsum.
Bambi og félagar.
said...
Ja hérna...Ég væri sko alveg til í að hafa Bamba og félaga hérna hjá mér :) Ég sé stundum rebba í garðinum, mér finnst það svoldið kúl. Hann er stór og flottur, verð að ná honum á mynd. Hey, ég held að hverfið þitt sé hægt að skilgreina sem Póstmódernískt þar sem öllu ægir saman, gömlu og nýju og ólíkum menningarheimum!!
Nokkuð gott??
Knús, Elín S.
Kristinn said...
Þetta er snilldarlegt, ég verð að droppa því einhverntíman að ég búi í póstmódernísku þorpi. Ég er aftur að lenda í því að vera með tíma á mánudagsmorgnum og á föstudögum svo maður gæti ekki skotist til þín nema seinnipart á föstudegi fram á seinnipart á sunnudegi, sem eru náttúrlega vinsælustu fargjöldin. Eftir páska verð ég hinsvegar bara í einum kúrsi (sem ég ætla að vona að verði ekki kenndur á mánudögum og föstudögum) svo það spurning um að stefna á ferð til eyjunnar grænu með hækkandi sól....
