Og hvað kemur verðhækkun matvöru í útlöndum þessum málum við? Er þá ekki um að gera að sæta færis fyrst samkeppnisstaða íslensks landbúnaðar er þá örlítið betri? Fáránlegast í tollamúrum landbúnaðarins er þeir vernda þá mest sem eiga enga verndun skilið. Besta íslenska hráefnið, mjólk og lambakjöt, þarf enga tollavernd. Íslensk mjólk er á svipuðu verði og fersk mjólk í Evrópu og íslenski neytendur færu aldrei að líta við G-mjólkinni sem nýskupúkarnir á meginlandinu drekka. Unnar mjólkuvörur eru aftur á móti aðför að heilsufari þjóðarinnar, fullar af viðbættum sykri og ógeði, og ætti ekki að halda að nokkrum manni. Svo sjá tollkvótarnir til þess að fyrirbæri eins og parmesan ostur, sem er bara hægt að framleiða á einu svæði í Ítalíu, er skammtaður inn í landið. Íslenska lambakjötið með sitt sérstaka bragt, hreinilega önnur vara en skoska lambakjötið (sem mér finnst mjög gott, en er alls ekki eins mikil villibráð), vara sem nýtur gríðarlegrar tryggðar meðal þjóðarinnar. Hefur sérstakan sess í huga fólks út á hefðir, uppruna og margt fleira. Þarf að vernda þetta fyrir einhverri samkeppni? Þetta er eina vara sinnar tegundar í heiminum! En síðan kemur SÍS mórallinn og eyðileggur allt, því úrvinnsluiðnaðurinn sér til þess að dýrindis hráefni er pakkað í viðbjóðslega kryddlegi svo kjötið verður grafið og grátt. Vona bara að íslenskir sauðfjárbændur fjölmenni á Royal Highland Show og líti í búðir í leiðinni. Það gæti ýtt við byltingarandanum að sjá framsetninguna á ferska skoska kjötinu samanborið við stóru frosnu stykkin heima eða kryddlegna viðbjóðinn. Fara t.d. í Marks og sjá hryggjarsneið með fersku rósmaríni, tilbúna í ofninn. Fékk mér svoleiðis um daginn, steikt í ofninum í 25 mínútur, bleikt og fallegt kjöt, algjör raðfullnægingarmatur.
Síðan hafa tollarnir náttúrlega það hlutverk að vernda kjúklinga- og svínaframleiðslu, sem er í eðli sínu iðnaðarframleiðsla. Kæmi mér ekki á óvart að eð fólk hefði valið vildi það frekar lausagöngufugla frá nærliggjandi búi. En ef ég þarf að velja á milli iðnaðarkjúklinga frá Mosfellsbæ eða Póllandi þá vil ég bara þá ódýrari.
Merkilegt þetta með valmöguleikana. Hérna stend ég mig að því að kaupa nautakjöt sem kostar frá 4 pundum og upp í 24 pund kílóið. Ódýra kjötið er frosið argentínsk kjöt sem fæst í Lidl. Stórgott alveg til síns brúks en dýra kjötið er lund sem ég fékk hjá æðislegum slátrara (á Great Western Road rétt hjá Kelvinbridge ef einhver er að leita). Íslenskt nautakjöt er t.d. alveg fáránlega gott til hátíðabrúks, en að borga 1.500 kall kílóið fyrir hakk er bara dónalegt. Sér í lagi meðan ýsan okkar, heimsklassahráefni sem stendur sig á frjálsum markaði, er að fara á 1.200 kall.
Uff.
Set með helgarinnkaupin. Þau eru held ég ekki á neinu útsöluverði, enda fór ég í Marks & Spencers. Það er það flottasta hér (Glasgow er svo working class að við erum ekki með Waitrose). En líka alveg högsta kvalitet. Hlakka mikið til að skella öndinni á pönnuna annað kvöld.
| Matur | Magn | Verð GBP | Verð ISK |
| Laxakökur | 4 | 6 | 816 |
| Andabrjóst | 500 g | 5,75 | 782 |
| Spínat | 250 g | 1,59 | 216 |
| Mjólk, lífræn skosk | 1144 ml | 1,03 | 140 |
| Heilhveitibrauð | 400 g | 0,99 | 135 |
| Haggis | 1 stk | 1,49 | 203 |
| Reyktur lax | 100 g | 2,99 | 407 |
| Skinkubréf | 1 stk | 1,64 | 223 |
| Örbylgjuréttur | 1 stk | 3,29 | 447 |
| Lífræn egg | 6 stk | 1,98 | 269 |
| Ostur (10 sneiðar) | 1,23 | 167 | |
| 3.805 |
said...
já allveg magnað með þessa bændur hvað þrælslundin er þeim töm.
Það er hreinlega búið að rækta hana uppí þeim rétt eins og hvert annað hundakyn.
Það er eins og með margt annað, til að allir séu sáttir og valfrelsi sé virt m.ö.o. að menn í fullu réttlæti standi og falli með gjörðum sínum, þá verður að vera hægt að umbuna eða refsa þeim persónulega fyrir hvað þeir gjöra og standa fyrir. Lenskan er nefnilega sú að þegar vel gengur t.d. í fyrirtækarekstri og stjórnmálum, þá eru það einstalingarnir á bakvið verkin sem fá hrósið en þegar upp kemst um glæp eða misgjörðir t.d. olíuverðsamráð eða kostnaðarskandal þá er kennitölunni,lógóinu eða viðkomandi stjórnsýslukerfi kennt um allt saman.
Kristinn said...
Já magnaður andskoti og nær langt út fyrir raðir bænda. Það er eins og flestir landsmenn séu orðnir samdauna því að matur sé dýr og jafnvel ekkert sérstaklega góður. Skrýtið að sé ekki hægt að hrista þetta til.
Annars þakka ég skilnginn og samstöðuna, mig er farið að vanta sárlega að tuða út um helstu þjóðmál. Það hefur enginn hérna nokkuð vit á kvótakerfinu eða matvælaverði á Íslandi og ég yrði sennilega fljótt vinalaus ef ég færi að bjóða upp á einhver Thule-móment þar sem þessir hlutir væru skírðir út.
Sigga said...
Nú fá íslenskir kjúllar að mestu íslenskt korn og ég held ég éti þá nú frekar en einhverja geislavirka úr Austur Evrópu! (þetta var ekkert svo fordómafullt)
Ekki að ég borði mikinn kjúkling á Íslandi, hann er dýrt og ofmetið hráefni og væri ég til í að sjá fleiri útgáfur af fuglinum, t.d. unghana í súpur og Böll í búsi, eða hænsn sem eru alin á einhverju gúmmelaði, til dæmis brugghrati eða villigrösum. Ekki fiskimjöli og pensilíni. (Tek það fram að nú er bannað í Evrópu að hafa sýklalyf í fóðri, það var annars lenskan enda hafði það vaxtaraukandi áhrif)
Mér finnst að ef til kemur, eigi að banna fólki að kjósa um inngöngu í ESB á tóman maga!
said...
curry 8
kyrie 7 shoes
off white clothing
goyard
chrome hearts outlet
kobe shoes
hermes
supreme new york
golden goose
off white hoodie
