<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d4016206\x26blogName\x3d%C3%81stin+mun+sl%C3%ADta+okkur+%C3%AD+sundur\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://stinnihemm.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://stinnihemm.blogspot.com/\x26vt\x3d1201978586094407619', where: document.getElementById("navbar-iframe-container"), id: "navbar-iframe" }); } }); </script>
Ástin mun slíta okkur í sundur

Rafrænt tilverustig Kristins Hermannssonar 

mánudagur, mars 13, 2006

02:54 -



Það stendur heima hjá Geira, það er viss bloggkreppa í gangi. Aðallega er það út af tveimur stórum verkefnum sem ég þarf að koma frá mér í næstu viku og er þess vegna að reyna loka mig inni með þeim þangað til þau klárast. Þarna kemur B-mennskan enn og aftur til skjalanna. Sumt fólk getur bútað svona verkefni niður í snyrtilega bita og mjatlað á þeim meðfram öðru milli níu og fimm, en ég enda alltaf í tarnamennsku, drekkandi kaffi og bryðjandi súkkulaði. Næ ekki almennilega tökum á þessu línulega vinnulagi, hjá mér verður þetta alltaf meira eins og að verpa eggi. Maður rembist og rembist og er svo að manni genginn á eftir. Fölur og fimm kílóum feitari en þegar törnin byrjaði. Annars smá skánar þetta með hverju árinu, vorprófin í fjórða bekk voru verst. Þá fitnaði ég heil ósköp. Útskriftarfötin voru svo stór að ári seinna fékk Skúli bróðir þau lánuð til að gifta sig.

Annars er voða mikið stuð framundan, um leið og þessir pappírar eru frágengnir. Ég er semsagt að fara til Hollands til að vera við útskriftina á föstudag. Væntanlega verður þetta ofur óformlegt ef ég þekki Hollendingana rétt, deildarstjórinn mætir örugglega á gallabuxum og allir verða ægilega hómí. En skólinn býður í drinks seinnipartinn á bar viðskipta- og hagfræðideildarinnar svo ég ætla ekki að kvarta. Síðan fer ég í heimsókn til Kati minnar til Kölnar og flýg heim frá Hahn á sunnudag. Blessað Ryanair, stórkostlegt fyrirtæki! Reyndar á maður víst að vera með svakalegan umhverfismóral yfir svona skreppitúrum, en mér finnst ótrúlegt annað en hægt sé að finna tæknilega lausn á þessu útblástursmáli sé vilji fyrir hendi. Fyrst menn gátu fyrir rúmum sextíu árum handreiknað kjarnorkusprengjuna, þá hlýtur kolefnishlutlaus þotuhreyfill bara að vera formsatriði. Eldflaugar ganga á vetni, það hlýtur að mega útfæra það fyrir flugvélar.

Hér snjóaði í gærkvöldi, í fyrsta sinn í vetur sem snjóar í bænum meira en nokkrar mínútur. Tíu sentímetra jafnfallið og allt fór í panikk. Las á mbl.is að 3.000 manns hefðu verið strandaglópar á næturklúbbum í miðbænum og ekki komist heim til sín. Síðan tiplaði ég yfir slabbið í dag til að fara í ræktina og þá var lokað vegna ?adverse weather conditions?. Mér skilst að það sé almenn vinnustöðvun þegar snjóar í Aþenu, en í Skotlandi! Reyndar er borginni vel skýlt með hólum og hæðum á flesta kanta og þéttri byggð svo það getur verið brjálað veður nokkra kílómetra í burtu án þess að hreyfi vind hérna. Reyndar finnst mér nánast alltaf vera logn hérna.

Heimilissælan stendur í miklum blóma, Indversku strákarnir leggja stöðugan metnað í körríin og ég nýt góðs af því. Það er ekki hlaupið að þessu indverska dæmi, þeir eru eins og húsmæðraskólagengnir fyrir fimmtíu árum, setjandi upp potta í hádeginu fyrir kvöldmatinn. Ég er líka mjög impóneraður yfir því að þeir kalla matinn minn ?continental?, voru þó ekki eins sannfærðir um að það þyrfti ekki að meðhöndla harðfisk neitt. Sögðu þó að hann væri mjög góður þegar væri búið að tyggja nógu mikið.

Í sem stystu máli þá er ég uppfullur af jákvæðum fordómum í garð Indverja eftir sambýlið við Indverska meirihlutann hér á garðinum. Hvernig getur verið annað en gott fólk sem hefur upp til hópa mikinn áhuga á mat. A.m.k. virðist mér það vera tilfellið með þessa krakka hérna. Dhipak og Jidou eru náttúrlega í hótelskólanum en þeir treystu sér samt ekki í samkeppnina á matardeginum í haust. Þar var sko tekist á um virðingu innan hópsins með körrígerð. Nú eru þeir báðir að slá sér upp með kínverskum stelpum úr hótelskólanum svo ég hef fengið að sampla Won Ton súpur og fínerí líka. Þannig er fjölmenningarblissið í fullum gangi. Maður syngur Ebony and Ivory hvern morgun í sturtunni.


Blogger Eiríkur Örn Norðdahl said...

Síðastliðna daga hef ég út um annað augað séð auglýsingu fyrir sjónvarpsþátt um Ryanair. Ef ég hef séð rétt þá spara þeir peninga með því að gata vængina, nauðga farþegunum og blanda fuglaflensu út í kaffið.  


Anonymous Nafnlaus said...

sko, maður þarf fyrst að hafa samviskubit út af útblæstri ef maður ferðast með þyrlu, snowmobile eða lawnmower. Þannig að svo lengi sem þú ferðast ekki á sláttuvél um allt skotland máttu fara í marga skreppitúra. Ég er reyndar sjálf með útblásturs samviskubit því ég ferðast um á hvarfakútslausum bíl.  


Blogger Kristinn said...

Þeir eru nett sjoppulegir Ryanair menn, vissara að sleppa kaffinu. Og alls ekki ferðast um á sláttuvél, mikil mildi að þekkja verkfræðinga sem geta upplýst mann um svona mál áður en maður fer að hafa móral út í loftið;)  


Blogger Sigga said...

Dóra, þú passar bara að hafa hann ekki í lausagangi lengur en 1 mínútu eins og lög kveða á um!

Ég skellti upp úr yfir þessum mjög svo myndrænu lýsingum í upphafi. Þetta með aukakílóin 5 og föla svipinn eftir að hafa rembst minnir mig á barnalandsmyndir af nýbökuðum mæðrum. Ekki neinn móðgast núna takk!  


Anonymous Nafnlaus said...

hafa þekkt nokkrar konur á hinum ýmsu stigum "mæðrunar" þá get ég stafest að fegurð barnshafandi kvenna fer þverrandi á síðasta mánuði meðgöngu og nýjum lægðum útlits er náð skömmu eftir barnsburð. Nema konan mín hún varð og verður bara fallegri og fallegri  


Anonymous Nafnlaus said...

jii já, maður er örugglega aldrei eins ljótur og eftir að hafa fætt barn, það ætti alfarið að banna þessu barnalandsliði að setja svona myndir af sér út í heiminn! Ég sá hluta af þessum Ryanair-þætti og þetta virtust vera hinir verstu skúnkar, það var allt í klessu þarna og staffið alveg gjörsamlega úti að aka, allir á einhverjum temporary-security-pass og eitthvað.... ég ætla bara biðja þig Kristinn að vera alveg með á hreinu hvar björgunarvestið er og allir neyðarútgangar. Reyndar kom þarna í ljós að sumt starfsfólkið kunni hreinlega ekki að opna dyrnar. Það var margt annað í þessum þætti sem ég ætla að bíða með að segja þér þangað til eftir að þú kemur heim.... þetta á trúlega ekki eftir að bæta flughræðsluna hjá þér.  


Blogger Kristinn said...

Nei hvað, þetta reddast nú alveg. Maður er orðinn svo stabíll á þessu í seinni tíð, fer bara með slökunarmöntrurnar. Svo er víst allt betra en að fljúga í Íran, kallagreyin hafa ekki getað keypt varahluti í tæp þrjátíu ár vegna viðskiptabanns Bandaríkjanna.  


Anonymous Nafnlaus said...

Sæll Kristin

Flott bloggsíða´.. ég fíla titilinn úr frægu lagi Joy Division

Ég kannst við þessar lýsingar á verklokum.

Kveðja Þórarinn Ólafsson Þórarinsonar Ólafsson Pétursson Péturssonar  


Anonymous Nafnlaus said...

Shii...nú er ég stressuð út af öllu þessu tali um Ryanair! Ég flýg alltaf með þeim, langódýrastir. Reyndar var mig alveg farið að gruna að staffið kynni ekki mikið en halló!! að opna neyðarútganga er svolítið aðalatriði þegar maður er fluffa...

Úff, stress...

KV. Elín.  


Blogger Kristinn said...

Ég hef engar áhyggjur af þessu. Kann ræðunni hennar Þórunnar Lár utan af svo ég gæti örugglega kennt þessum unglingum sitthvað um virðulega flugliðamennsku ef á þyrfti að halda.  


Blogger yanmaneee said...

supreme clothing
jordan shoes
off white jordan 1
off white jordan 1
jordans shoes
chrome hearts store
off white clothing
birkin bag
yeezy boost
jordan 12
 


Skrifa ummæli

© Kristinn 2005 - Powered for Blogger by Blogger Templates hits.