Allt ? fullu h?rna megin vi? a? ganga fr? m?lum og gr?ja ??ur en ?g fl?g til ?slands ? mi?vikudaginn. Var reyndar a? leggja saman a? ?a? tekur mig 12 t?ma a? fara fr? Maastricht til Keflav?kur. Tek semsagt Iceland Express fr? Hahn ? ??skalandi og fer ?anga? me? lest ? gegnum Belg?u og L?xemborg. Einhvernveginn ra?a?ist ?etta ekki betur saman en svo a? ?a? fer megni? af deginum ? fer?alagi?:/ ? j?ja, ma?ur f?r voandi fallegt ?ts?ni ? lei?inni..... 

|

Nú er allt á fullu í lokaritgerðinni þar sem maður er á leiðinni heim í næstu viku - hitti ritgerðarleiðbeinandann seinnipartinn á morgun til að taka stöðuna og líklega aftur á mánudag, þriðjudag.

Ég verð samt að taka pásu til að hreinsa út úr kerfinu því ég get ekki varist pirringnum yfir matar- og vínsverðinu á Íslandi og svosem ýmsum öðrum ruglum. Stóriðjustefna Valgerðar og verkfræðinganna verður tekin í nefið í góðu tómi en nú er það matvöruverðið. Það er fáránlegt að Ísland er nánast óbyggilegt af manna völdum ? rugl, bull og vitleysa!

Hérna er ég búinn að lifa kóngalífi í vetur, borða og drekk það sem mig langar í og ferðast fyrir eigin afli, allt fyrir námslánið sem samsvarar u.þ.b. 50 þúsund krónum á mánuði. Mér bauðst þægileg innivinna hjá ríkinu sem myndi borga brúttó rúmlega 300 þúsund á mánuði eða sem samsvarar mánaðarskammti af strætómiðum, húsaleigu, nautgripahakki úr Bónus og nokkrum stórum flötum Egils lagerbjórum af krana. Ég afþakkaði pent og ákvað að halda áfram í námi, en andlitið ætlaði af skólafélögunum þegar ég útskýrði fyrir þeim að mánaðarlaun upp á 3.750 evrur rétt drægju mann framyfir hungurmörkin í Reykjavík ? ef maður ætlaði svo að rísa undir samfélagskröfum um hegðun, atferli og framkomu þyrfti að minnsta kosti annað eins af yfirdrættinum.

Ég mun seint halda lofræður um evrópska pólitík sem gengur í sem fæstum orðum út á að fara eins og köttur í kringum heitan graut og einblína á flísina og taka ekki nótis af bjálkanum, (eða hvað finnst mönnum um lönguvitleysuna um efnahagsumbætur á meginlandinu) en þar sem ég hef komið í Hollandi, Belgíu og Þýskalandi virðist fólk hafa það ágætt, það er snyrtilegt um að litast ( sums staðar m.a.s. fallegt) og nóg af góðu fóðri á hagstæðu verði, og úrval ódýrra gæðadrykkja til að njóta með eða án matar.

Í yfirstandandi matvöruverðspirringi fann ég þrjár kassakvittanir úr hollenskum stórmörkuðum til að sýna fram á mál mitt. Ein er úr Albert Heijn sem eru mjög fínar búðir, ríflega Samkaupsstandard, og hinar tvær eru úr C1000 sem er u.þ.b. á milli Bónuss og Samkaupa í gæðum. Þetta eru ansi ódýrar búðir á íslenskan mælikvarða en Guðni og Öskjuhlíðarmafían má þakka fyrir að ég fann engar kvittanir úr lágvöruversluninni Aldi, þar sem ég legg t.d. í vana minn að kaupa þung bréf með þykkum sneiðum af Goudaosti fyrir 1.6 evrur.

Kassakvittanirnar sýna því miður ekki vigtina á kjötvörunni en ég reyni alltaf að kaupa 250 grömm af kjöti í matinn hverju sinni (það er standard skammtur fyrir einn mann) svo það gefur ágætis nálgun ? spönnin er líklega í kringum 230-270 grömm. Annars er yfirleitt um svipaðar pakkastæðir að ræða og heima, t.d. er Bran Flakes pakkinn nákvæmlega jafn stór hér og þar. Og ég ansa því ekki að það sé einhver gæðamunur íslenskum vörum í vil, það er ekki í pakkavörunni, það er ekki í grænmetinu, það er ekki í kjötvöru og ekki í mjólkurvörum. Ef eitthvað er þá hallar á Ísland í gæðasamanburði, það fer ekki á milli mála í unnum kjötvörum og osti ? eða finnst fólki hressandi að fá sér ristað brauð með útúrfósaðri Búrfellskinku og æðislega fyrirsjáanlegum íslenskum ostum, sem eru allir eins á bragðið en í mismunandi litum umbúðum?

Ég hlakka til að koma heim og njóta útsýnisins, borða fisk og hitta allt frábæra fólkið ? njóta þess sem er raunverulega gott og þarf ekki að vernda með tollum og tæknilegum viðskiptahindrunum. En SS samsærið verður sniðgengið í lengstu lög.

Hér að neðan fylgir taflan með innkaupastrimlunum. Hugsið nú hlýlega til Guðna og allra þingmannanna sem kóa með þessu rugli ? vonandi svelgist þeim ekki á íslensku kjúklingunum eða íslensku svínunum.

				80,81
Innkaup í Albert Heijn 25.05.2005						(gengi 25.5. ISK/EUR 80,81)
Vöruheiti	magn		Verð EUR	Kílóverð EUR	Verð ISK	Kílóverð ISK
Kellogs Bran Flakes	1	pakki	2,59		209
Rósmarín	1	búnt	1,29		104
Klósettpappír	4	rúllur	1,09		88
Léttmjólk	1	lítri	0,65		53
Chorizo pylsa	1	bréf	1,8		145
Sveppir	1	askja	0,89		72
Kjúklingabringa	268	g	1,3	4,85	105	391,99
Rauð (útlensk) paprika	250	g	1	3,98	81
Nivea svitalyktareyðir	1	st	2,49		201
Bavaria bjór	0,33	cl	0,49		40
			13,59		1098
Innkaup í C1000 14.05.2005
Vöruheiti	magn		Verð EUR	Kílóverð EUR	Verð ISK	Kílóverð ISK
Hardy's Riesling hvítvín	1	flaska	4,99		403
Kellogs Bran Flakes	1	pakki	2,55		206
Léttmjólk	1,5	lítri	0,92		74
Rauð paprika (útlensk)	1	st	0,71		57
Nautakjöt	250	g	2,24	8,96	181	724
Hakkabuff	250	g	1,78	7,12	144	575
Eggjabakki (12 egg)	1	st	1,45		117
Brokkolí (lítill haus)	1	haus	0,53		43
Belgbaunir (u.þ.b. lúka)			0,53		43
Græn epli	2	st	1,24		100
Sveppir	1	askja	0,79		64
			17,73		1433
Innkaup í C1000 20.05.2005
Vöruheiti	magn		Verð EUR	Kílóverð EUR	Verð ISK	Kílóverð ISK
Léttmjólk	1,5	lítri	0,92		74
Sveppir	1	askja	0,79		64
Paprika appelsínugul (útlensk)	1	st	0,65		53
Kellogs Bran Flakes	1	pk	2,55		206
Flutebrauð	1	st	0,25		20
Nautakjöt	250	g	3,62	14,48	293	1170
Braadworst	250	g	1,18	4,72	95	381
Blindevink (kjötfars/hakk vafið í beikon)	250	g	1,98	7,92	160	640
Hakkabuff	250	g	2,05	8,2	166	663
Græn epli	2	st	0,58		47
Gul epli	2	st	0,58		47
Timjan	1	búnt	0,99		80
			16,14		1304

|

Eurovision er skandall!!! Hvenær ætlum við að fara að taka þetta alvarlega? Við eigum að vinna þessa keppni ekki falla út í forkeppni! Ég vil að það verði sett á laggirnar sérstök Eurovison-nefnd á vegum Alþingis sem kveði til sín alla helstu poppara landsins til að leysa þetta mál. Nú verða menn að standa saman, ég vil sjá Rúna Júl, Björk og Jagúar working side by side að hanna hið fullkomna Eurovision atriði. Síðan sendum við Davíð Oddson og Ólaf Ragnar í charm offensive til Austur-Evrópu, þar sem verður vílað og dílað um atkvæði - það mætti nota öryggisráðsbudgetið í það.

Annars er nokkur huggun í því að bæði Hollendingar og Belgar eru dottnir út. En ég ætla að halda með Noregi, ekki spurning!

Eurovisionpartý er næst á dagskrá. Það verða pantaðar pitsur og drukkinn bjór. Keyptum Grolsch á tilboði fyrir 9 evrur en aðalsjokkið var þegar ég fattaði að Doritos kostar 80 evrusent (65 kr.) úti í búð hér, meðan það kostar 350 kall heima. Gott og vel, við vitum hvert ÁTVR peningarnir fara en það er einhver heildsali að svívirða þjóðina með þessu Doritos okri. Hér eiga hvorki verndartollar né áfengisgjald við. 

|

Það var gott veður í dag, sól og hlýtt, en rigning á morgun. Ég hef sett mér þá reglu að kvarta ekki undan veðrinu meðan hann hangir þurr en er til of mikils að ætlast að það komi tveir góðir dagar í röð? Maður bindur vissar væntingar við að búa í útlöndum, t.d. að veðrið sé betra. Þannig ræddum við Elín um daginn af hverju eru ekki virðulegir háskólar á búsældarlegri stöðum en Hollandi og Írlandi - hver væri t.d. ekki til í að vera með masterspróf frá University of Ibiza?

Kiddý átti stelpu, 15 merkur og 54 centimetra, á þjóðhátíðardag Norðmanna 17. maí - alveg magnað! Er ekkert smá spenntur að koma heim og sjá krílið. Veit ekki hvað maður á að vera væminn á netinu en það eru mjög tilfinningasamar stundir þegar maður fréttir af vinum sínum að eignast börn. Átta mig ekki alveg á þessu svo frekari greining verður að bíða.

Ég kem heim eftir tæpan hálfan mánuð, á miðvikudagskvöld 1. júní. Fæ svo far vestur með Siggu mágkonu strax á föstudag. Eins gott að vera ekki seinn, verið að ferma Sæþór og Sólveigu, tvíburana hans Gísla bróður, og elstu systkinabörnin.

Planið er að vera heima við ritgerðarskrif í sumar, það hefði verið alveg vonlaust að skjótast á milli því síðan eru þrjú brúðkaup framundan hjá Kristjáni Frey og Bryndísi (Kriss og Briss), Smára og Siggu (Smalla Kall og Siggu Gísla) og Hálfdáni Bjarka og Dóru Hlín (Dána og Dóru). Síðan hleyp ég í afleysingar hjá bb.is um miðjan júlí og fer aftur út eftir það til að ganga frá ritgerðinni og verja. Þá er ætlunin að koma heim aftur u.þ.b. um miðjan ágúst og vinna sér inn pening, þar til í lok september að ég fer í framhald í s.k. economic policy við University of Strathclyde í Skotlandi. Þannig verður nóg að gera.

Til að útskýra betur þá er ég núna í meistaranámi í hagfræði, sem byggir á frekar víðum grunni og leggur áherslu á að skoða málin í þverfaglegu ljósi. Það á því ágætlega við þar sem maður lærði viðskiptafærði áður. Síðan vil ég sérhæfa mig meira og ætla þess vegna að skella mér til Glasgow. Prógrammið þar heitir Economic Management & Policy og hefur semsagt að gera með hagstjórn og stefnu hins opinbera. Innan þess eru nokkrar áherslur, t.d. á umhverfismál, en ég ætla að leggja fyrir mig regional economics, sem mætti e.t.v. kalla byggðahagfræði. Þannig endar maður mitt á milli þjóðhagfræðinnar sem maður les núna og viðskiptafræðinnar úr HR.

Þetta er semsagt master-planið, síðan á eftir að ganga frá nánari útfærslu. T.d. þarf maður að fara að líta í kringum sig eftir vinnu í ágúst/september. Þannig væri vel þegið ef lesendur myndu hafa mig bakvið eyrað ef þeir fréttu af verkefnum sem gætu átt við.

Finnst ekki annað við hæfi en að skella með mynd af Kiddý, þessi var tekin í glimrandi góðu partíi í Tjöruhúsinu yrir Aldrei fór ég suður 2004. 

|

Nú eru skiptinemadagar hér á síðunni og bara settar inn hressilegar myndir af frískum krökkum í góðu stuði!

Þannig bar vel í veiði á laugardagskvöld þegar mér var boðið í innflutningspartí til hins hollenska Max sem er í meistaranámi í flutningafræði hér í viðskiptadeildinni og hefur verið að standsetja íbúð í gömlu bílaverkstæði í vetur. Þetta var hið veglegasta partí, Max og kærastan hans höfðu tekið heitu réttina með trompi og síðan var nóg af bjór og léttvíni. Þarna var fólk víða að úr álfunni og mikið af spjalli kvöldsins fór í kurteisislegan gagnkvæman áhuga á löndum og þjóðum en síðan var þarna líka fólk sem maður þekkti betur úr skólanum og gat rætt harðari mál við.

Ekki hægt að segja annað en gestgjafarnir hafi lagt sig alla fram en í íslenskum samanburði var þetta afskaplega settlegt og allir farnir heim áður en bjórinn var búinn. Eftir á að hyggja var það e.t.v. besta mál því ég var í fínu formi á sunnudag og gat nýtt hann vel.

Max (í bláu skyrtunni) geðveikt hress ásamt hollenskum vinum sínum. 

|

Þessa mynd mætti jafnvel kalla: Bilið milli þjóða brúað eða e.t.v. Sameinum Evrópu!, því hér eru krakkar frá Hollandi, Belgíu og Frakklandi að ná mjög vel saman í bleika sófanum. Síðan sést glitta í spænskan náunga sem var ölvaður og hávær - greinlega ekki með! 

|

Ég að ná geðveikt góðum kontakt við stelpur frá Póllandi og Ungverjalandi. 

|

Leiðinlegt að vera búinn að byggja upp væntingar og geta ekki risið undir þeim, en salsað klikkaði í gær - algjör spæling. Við hittumst í gær, elduðum kvöldmat og drukkum léttvín og síðan var planið að fara út að sala en þegar á reyndi voru allir voða værðarlegir á meltunni og allt diskó úr fólki. Í sárabætur var stungið upp á því að stefna að salsa á miðvikudagskvöld en það á eftir að koma í ljós hvernig stemmarinn verður þegar á hólminn er komið. Ég sem var svo spenntur að brydda upp á finnsku diskósporunum sem við Elín æfðum, enda á því að þau séu fullgild staðkvæmdarspor fyrir salsað.

Kvöldmaturinn var reyndar meiriháttar aðgerð því Kati hafði fengið pastavél í afmælisgjöf og málið var að prófa hana, sem endaði með því að við stóðum fimm á haus í rúma tvo tíma við pastagerð. Útkoman var reyndar mjög góð, bjuggum til ravioli fyllt með osti og heslihnetum, en framkvæmdin frekar mikið vesen. Reyndar mjög skemmtilegt vesen, fín hópstemmning með léttarann í annarri en mæli ekki með þessu til þess eins að fá gott pasta, þá er einfaldara að kaupa það.

Síðan var Eurovision náttúrlega tekið til umræðu - þúsund þakkir til Elínar fyrir að hafa vakið athygli á þessu mikilvæga máli. Það eru allir orðnir mjög spenntir fyrir laugardagskvöldinu þó enginn eygi miklar sigurlíkur því við hlustuðum á lögin og afgreiddum breska, þýska og íslenska lagið út af borðinu. Noregur er aftur á móti að undirbúa glisrokks leiftursókn (farið á www.eurovision.tv og smellið á Multimedia Lounge), vona að þeir vinni, og spái því að 9/11’s fari í Eurovision næst ef Selma klúðrar þessu ekki endanlega.

Að auki kom það upp á yfirborðið í gær að breska Eurovision útsendingin gengur bara út á að dissa hinar þátttökuþjóðirnar og Þjóðverjar flykkjast víst í rútuförmum yfir landamærin til að kjósa sína menn í símakosningunni. Svo er verið að halda því fram að Norðurlöndin viðhafi samráð í stigagjöfinni - ég vísa því alfarið á bug.

Pastagerðin gerði alla skiptinemalega hamingjusama. Hér eru Martha frá Alabama, ég frá N-Ísafjarðarsýslu, Rich frá Herefordskíri, Hanna frá Nordrein-Westfalia og Kati, einnig frá Nordrein-Westfalia, tók myndina. 

|

Er að fara að dansa salsa í kvöld - þetta verður spennadi. Við Kati hættum okkur á salsabarinn á miðvikudagskvöld, fylgdumst með og sáum að þar voru nógu margir með persónulegan stíl til að við myndum hætta okkur á senuna. Síðan erum við búin að safna liði og ætlum að leggja undir okkur gólfið. Þetta verður forvitnilegt, harðkjarna latínóar í bland við Glæsibæjarliðið sem er að koma inn á markaðinn í 2., 3. og 4. sinn.

Set með mynd af þessari fallegu bensínstöð.

|

Mér var tilkynnt strax í haust að maður mætti eiga von á hinu versta rigningarlega séð hér í Hollandi. Sem betur hefur veðrið víst verið óvenju þurrt í vetur en ég hef samt sem áður kynnst þessu rigningarógeði meira en ég kæri um að rifja upp. Af veðurkortastúdíum í vetur og spjalli við veðurglögga sýnist mér að það sé úrkomubelti sem lægðir leggja yfir þjóðirnar í kringum Norðursjóinn, Norður-Frakkland, Belgíu, Holland, Bretlandseyjar, Suður-Skandinavíu, Danmörku og Vestur-Þýskaland. Þeir sem eru fyrir sunnan og austan eða nógu norðarlega sleppa betur. Þannig útskýri ég fyrir fólki að veðrið í Reykjavík sé ”just like here but colder” en á Vestfjörðum sé stöðugra veðurfar og bjartara, þar sem úrkoman er að mestu snjór á vetrum og skynjaður hiti sé hærri en mælirinn gefi til kynna þar sem loftið sé ekki svona rakt.

Núna hefur verið rigningarlegt í u.þ.b. tíu daga en sólin braust fram í dag og spáin er góð fyrir morgundaginn. Rigningin hérna er ansi dramatísk en mér hefur ekki tekist að mynda þessa stemmningu almennilega. Hér fylgir með hálfheppnuð tilraun.

Annars hef ég frá ýmsu merkilegra að segja frá en einhverveginn sprakk skipulagið hjá mér í kringum ritgerðastúss síðustu vikur og maður er ekki búinn að ná ritmanum aftur. Bækur og pappírar flutu um allt og internetleysið hjálpaði ekki til. 

|

Nú er illt í efni, netið heima er bilað og ég er alveg að ganga af göflunum. Skýst á netið á bóksafninu rétt til að tappa af. Merkilegt hvað maður er orðinn upp á netið kominn.

Núna er ég að fara á fullt við að skrifa mastersritgerðina og þá er netið krúsjalt. Greinunum og talnaefninu flettir maður upp í rafrænum gagnabönkum. En það er svosem ekki hundrað í hættunni, maður finnur þetta í tölvunum hérna á bókasafninu prentar út og tekur heim. Mér finnst ágætt að vera á bóksafninu í lestri og heimildagrúski en vill helst skrifa heima. Maður þarf að vera á sínu borði, setja miða upp á vegg og drekka kaffi yfir pappírunum.

Í dag fór ég til leigusalans og kvartaði yfir netinu á einhverskonar norrænni germönsku þar sem hann talar ekki ensku. Hann ætlaði að hringja í netþjónustuna en sagði mér að búast ekki við kraftaverkum, það væri föstudagur og það gerðist ekkert á föstudögum.

Að lokum verð ég að minnast á hvað var gaman að fylgjast með bresku kosningunum í gærkvöldi. Þingmennirnir sem komu í sjónvarpið virtust bera mikla virðingu fyrir áhorfendum og voru mun efnisríkari í máli en maður á að venjast í frasapoppinu heima þar sem reglan mesti air-hog-inn vinnur er alls ráðandi.

Að sjálfsögu verður maður að óska Putney-drengjunum Kriss, Jóni Þór og Gumma til hamingju með að hafa endurheimt kjördæmið ;) Annars get ég ekki sagt að ég sé sérstaklega spenntur fyrir breska íhaldinu þó það verði gaman að fylgjast með því hvernig þeir þróast. Michael Howard stóð sig vel, það er lumma að hann sé eihver drumbur, þvert á móti virðist hann sá eini sem getur staðið PR-ljóninu Blair á sporði. Hinsvegar er flokkurinn í málefnalegu fokki: agi í skólum, spítalasýkingar og innflytjendamál eru aðal dæmið. Þessi stefnuskrá hljómaði frekar eins og plagg frá VáVest hópnum og Félagi hjúkrunarfræðinga en hægri flokki.

Til að undirstrika pólskiptin er Verkamannaflokkurinn orðinn hægra megin við Sjálfstæðisflokkinn og farinn að vinna að alls kyns hægri málum eins og skólaávísunum. Í ofanálag hefur breskur efnahagur gengið eins og svissneskt úrverk síðustu ár - líklega hefur ekki sést eins stöðugur hagvöxtur neins staðar í Evrópu síðan á eftirstríðsárunum. U.þ.b. 3% á ári allan tímann. Þetta er ekki lítils virði fyrir flokk með hörmulegt efnhagsrekord. Ekki síst má nú þakka þetta gæfuspori þeirra Bretanna að skilja endanlega við evrópsku peningastefnuna, en það er nú annað mál.

|

Nú er allt komið á fullt eftir góða slökunarhelgi heima hjá Kati, skólasystur minni, í Köln. Hún hélt upp á afmælið sitt með pompi og prakt á laugardagskvöld en ég þáði með þökkum að fljóta með henni til Þýskalands, seinnipartinn á fimmtudag. Það var ansi gott að skipta um umhverfi og ég er ekki frá því að maður sé allur skýrari á eftir. Pabbi hennar Kati safnar víni í kjallaranum og deilir því út óspart, og mamma hennar passaði upp á að við yrðum örugglega ekki vannærð. Þannig varð úr þessu eitt allsherjar dekur. Síðan var veðrið ekki til að spilla fyrir og sólin braust fram með fullum krafti á sunnudag með þeim afleiðingum að núna er maður sólbrenndur. Í ofanálag fullyrða Kölnarbúar að bjórinn þeirra Kölsch, sem er frekar léttur og yrði líklega nefndur konubjór heima, hafi hreinsandi áhrif „clensing effect“ - ég kaus að trúa þessu staðfastlega.

Hér er Kati í afmælisklippingunni. Til að fá ódýrari þjónustu bjóða þýskir klipparar kúnnunum sínum að þurrka og greiða hárið sjálfir. Sé ekki fyrir mér að þetta módel gæti náð útbreiðslu heima. 

|

Harry vínsafnari grillar ofan í okkar. Eins og sjá má af myndinni eru þau hjónin miklir garðyrkjuáhugamenn. 

|

Kati safnaði saman vinum og skólafélögum í dögurð á sunnudag sem þær mæðgur stýrðu af myndarskap. Mér fannst ansi gaman að vera boðið upp á hvítvín kl. 11 á sunnudagsmorgni en það var enginn í formi fyrir það eftir gærkvöldið svo úr varð í staðinn að það var boðið upp á freyðivín í sólinni um tvöleytið. 

|

Innan um gróðurinn fóðra þau svo kött og broddgelti og þau kvikindi sem rata inn í garðinn. Hérna er heimilisfroskurinn sem bærði sig ekki þó ég smellti af honum mynd. 

|