<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d4016206\x26blogName\x3d%C3%81stin+mun+sl%C3%ADta+okkur+%C3%AD+sundur\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://stinnihemm.blogspot.com/search\x26blogLocale\x3dis_IS\x26v\x3d2\x26homepageUrl\x3dhttp://stinnihemm.blogspot.com/\x26vt\x3d1201978586094407619', where: document.getElementById("navbar-iframe-container"), id: "navbar-iframe" }); } }); </script>
Ástin mun slíta okkur í sundur

Rafrænt tilverustig Kristins Hermannssonar 

fimmtudagur, maí 19, 2005

21:03 -


Það var gott veður í dag, sól og hlýtt, en rigning á morgun. Ég hef sett mér þá reglu að kvarta ekki undan veðrinu meðan hann hangir þurr en er til of mikils að ætlast að það komi tveir góðir dagar í röð? Maður bindur vissar væntingar við að búa í útlöndum, t.d. að veðrið sé betra. Þannig ræddum við Elín um daginn af hverju eru ekki virðulegir háskólar á búsældarlegri stöðum en Hollandi og Írlandi - hver væri t.d. ekki til í að vera með masterspróf frá University of Ibiza?

Kiddý átti stelpu, 15 merkur og 54 centimetra, á þjóðhátíðardag Norðmanna 17. maí - alveg magnað! Er ekkert smá spenntur að koma heim og sjá krílið. Veit ekki hvað maður á að vera væminn á netinu en það eru mjög tilfinningasamar stundir þegar maður fréttir af vinum sínum að eignast börn. Átta mig ekki alveg á þessu svo frekari greining verður að bíða.

Ég kem heim eftir tæpan hálfan mánuð, á miðvikudagskvöld 1. júní. Fæ svo far vestur með Siggu mágkonu strax á föstudag. Eins gott að vera ekki seinn, verið að ferma Sæþór og Sólveigu, tvíburana hans Gísla bróður, og elstu systkinabörnin.

Planið er að vera heima við ritgerðarskrif í sumar, það hefði verið alveg vonlaust að skjótast á milli því síðan eru þrjú brúðkaup framundan hjá Kristjáni Frey og Bryndísi (Kriss og Briss), Smára og Siggu (Smalla Kall og Siggu Gísla) og Hálfdáni Bjarka og Dóru Hlín (Dána og Dóru). Síðan hleyp ég í afleysingar hjá bb.is um miðjan júlí og fer aftur út eftir það til að ganga frá ritgerðinni og verja. Þá er ætlunin að koma heim aftur u.þ.b. um miðjan ágúst og vinna sér inn pening, þar til í lok september að ég fer í framhald í s.k. economic policy við University of Strathclyde í Skotlandi. Þannig verður nóg að gera.

Til að útskýra betur þá er ég núna í meistaranámi í hagfræði, sem byggir á frekar víðum grunni og leggur áherslu á að skoða málin í þverfaglegu ljósi. Það á því ágætlega við þar sem maður lærði viðskiptafærði áður. Síðan vil ég sérhæfa mig meira og ætla þess vegna að skella mér til Glasgow. Prógrammið þar heitir Economic Management & Policy og hefur semsagt að gera með hagstjórn og stefnu hins opinbera. Innan þess eru nokkrar áherslur, t.d. á umhverfismál, en ég ætla að leggja fyrir mig regional economics, sem mætti e.t.v. kalla byggðahagfræði. Þannig endar maður mitt á milli þjóðhagfræðinnar sem maður les núna og viðskiptafræðinnar úr HR.

Þetta er semsagt master-planið, síðan á eftir að ganga frá nánari útfærslu. T.d. þarf maður að fara að líta í kringum sig eftir vinnu í ágúst/september. Þannig væri vel þegið ef lesendur myndu hafa mig bakvið eyrað ef þeir fréttu af verkefnum sem gætu átt við.

Finnst ekki annað við hæfi en að skella með mynd af Kiddý, þessi var tekin í glimrandi góðu partíi í Tjöruhúsinu yrir Aldrei fór ég suður 2004. Posted by Hello


Anonymous Nafnlaus said...

Já Kristinn, sniðugar pælingarnar okkar um háskóla á búsældarlegri stöðum..haha! Ég er alveg búin að vera hrærð hérna megin yfir barneign Kiddýar okkar og Tóta, skil þig mæta vel. Góð mynd af henni;) Flott planið þitt líka. Þú hefur semsagt fengið svar að lokum? Til lukku! Spennandi.
Kveðjur frá Dublin,
Elín.  


Blogger Kristinn said...

Já Kiddý skvísa klikkar sko ekki á myndunum. Glasgow er semsagt komið á hreint, ég er búinn að fá formlegt svar frá þeim. Þannig verðum við bæði á Bretlandseyjunum næsta vetur.

Meðan ég man, ég heyrði náunga á BBC segja bonkers (eða bunkers) í meiningunni að eitthvað sé þvættingur, mig grunar að maður geti líka verið bonkers, svipað og steiktur á Íslandi. Svo við vorum ekkert að rugla með þetta orð.  


Anonymous Nafnlaus said...

Jiii maður bara klökknar hérna megin líka... þetta er allt voða skemmtilegt og mikið verður gaman að fá þig heim Kristinn minn. Voðalega patent að hafa þig svo í Glasgow...alltaf einhver tilboð á netinu og svona...
Voða hressileg mynd af minni, ég er nú ekki svona gelluleg núna skal ég segja þér...en samt alveg svona kát.
Kiddý  


Anonymous Nafnlaus said...

"Bunkers" gæti líka verið skylt loftvarnarbyrgjaorðinu, en hafi fyrir tíð flugvélanna þýtt menn sem flýðu í skjól fyrir hrynjandi himnum (sbr. Ástrík og félaga). Þeir hafa sannarlega verið steikur síns tíma.  


Anonymous Nafnlaus said...

Ha ha..já Kristinn ég gleymdi alltaf að segja þér að þetta er víst alveg gott og gilt orð yfir einhvern sem er steiktur!! Við vorum algjörlega að fara með rétt mál....
kv.frá Elínu í Dúblín.  


Anonymous Nafnlaus said...

Kris, hvað ertu að rugla með að taka annan master? Audda áttu að fara í doktor maaaaður.

Kristinn stuð Styrkársson Proppé PhD.... það hljómar vel!

Steini RU  


Blogger Kristinn said...

Tek himnahrunskenningu Andrésar mjog alvarlega, sem og hvatningarord steina um ad skella sér í doktorinn. Thá myndi madur nú fríka út og klifa á titlinum daginn út og inn. Dr. Dr. Dr. Dr. Dr. Dr. Dr. dr. dr. dr. dr. dr. d.......  


Blogger raybanoutlet001 said...

ugg boots
longchamp
ugg outlet
cheap nike shoes sale
vikings jerseys
coach outlet online
cheap ray ban sunglasses
michael kors handbags outlet
houston texans jerseys
nike air huarache
2017.6.13  


Blogger yanmaneee said...

supreme clothing
air jordan
curry 7
bape clothing
giannis shoes
kobe basketball shoes
curry 7 shoes
steph curry shoes
golden goose
jordan retro
 


Skrifa ummæli

© Kristinn 2005 - Powered for Blogger by Blogger Templates hits.