Nú er allt á fullu í lokaritgerðinni þar sem maður er á leiðinni heim í næstu viku - hitti ritgerðarleiðbeinandann seinnipartinn á morgun til að taka stöðuna og líklega aftur á mánudag, þriðjudag.
Ég verð samt að taka pásu til að hreinsa út úr kerfinu því ég get ekki varist pirringnum yfir matar- og vínsverðinu á Íslandi og svosem ýmsum öðrum ruglum. Stóriðjustefna Valgerðar og verkfræðinganna verður tekin í nefið í góðu tómi en nú er það matvöruverðið. Það er fáránlegt að Ísland er nánast óbyggilegt af manna völdum ? rugl, bull og vitleysa!
Hérna er ég búinn að lifa kóngalífi í vetur, borða og drekk það sem mig langar í og ferðast fyrir eigin afli, allt fyrir námslánið sem samsvarar u.þ.b. 50 þúsund krónum á mánuði. Mér bauðst þægileg innivinna hjá ríkinu sem myndi borga brúttó rúmlega 300 þúsund á mánuði eða sem samsvarar mánaðarskammti af strætómiðum, húsaleigu, nautgripahakki úr Bónus og nokkrum stórum flötum Egils lagerbjórum af krana. Ég afþakkaði pent og ákvað að halda áfram í námi, en andlitið ætlaði af skólafélögunum þegar ég útskýrði fyrir þeim að mánaðarlaun upp á 3.750 evrur rétt drægju mann framyfir hungurmörkin í Reykjavík ? ef maður ætlaði svo að rísa undir samfélagskröfum um hegðun, atferli og framkomu þyrfti að minnsta kosti annað eins af yfirdrættinum.
Ég mun seint halda lofræður um evrópska pólitík sem gengur í sem fæstum orðum út á að fara eins og köttur í kringum heitan graut og einblína á flísina og taka ekki nótis af bjálkanum, (eða hvað finnst mönnum um lönguvitleysuna um efnahagsumbætur á meginlandinu) en þar sem ég hef komið í Hollandi, Belgíu og Þýskalandi virðist fólk hafa það ágætt, það er snyrtilegt um að litast ( sums staðar m.a.s. fallegt) og nóg af góðu fóðri á hagstæðu verði, og úrval ódýrra gæðadrykkja til að njóta með eða án matar.
Í yfirstandandi matvöruverðspirringi fann ég þrjár kassakvittanir úr hollenskum stórmörkuðum til að sýna fram á mál mitt. Ein er úr Albert Heijn sem eru mjög fínar búðir, ríflega Samkaupsstandard, og hinar tvær eru úr C1000 sem er u.þ.b. á milli Bónuss og Samkaupa í gæðum. Þetta eru ansi ódýrar búðir á íslenskan mælikvarða en Guðni og Öskjuhlíðarmafían má þakka fyrir að ég fann engar kvittanir úr lágvöruversluninni Aldi, þar sem ég legg t.d. í vana minn að kaupa þung bréf með þykkum sneiðum af Goudaosti fyrir 1.6 evrur.
Kassakvittanirnar sýna því miður ekki vigtina á kjötvörunni en ég reyni alltaf að kaupa 250 grömm af kjöti í matinn hverju sinni (það er standard skammtur fyrir einn mann) svo það gefur ágætis nálgun ? spönnin er líklega í kringum 230-270 grömm. Annars er yfirleitt um svipaðar pakkastæðir að ræða og heima, t.d. er Bran Flakes pakkinn nákvæmlega jafn stór hér og þar. Og ég ansa því ekki að það sé einhver gæðamunur íslenskum vörum í vil, það er ekki í pakkavörunni, það er ekki í grænmetinu, það er ekki í kjötvöru og ekki í mjólkurvörum. Ef eitthvað er þá hallar á Ísland í gæðasamanburði, það fer ekki á milli mála í unnum kjötvörum og osti ? eða finnst fólki hressandi að fá sér ristað brauð með útúrfósaðri Búrfellskinku og æðislega fyrirsjáanlegum íslenskum ostum, sem eru allir eins á bragðið en í mismunandi litum umbúðum?
Ég hlakka til að koma heim og njóta útsýnisins, borða fisk og hitta allt frábæra fólkið ? njóta þess sem er raunverulega gott og þarf ekki að vernda með tollum og tæknilegum viðskiptahindrunum. En SS samsærið verður sniðgengið í lengstu lög.
Hér að neðan fylgir taflan með innkaupastrimlunum. Hugsið nú hlýlega til Guðna og allra þingmannanna sem kóa með þessu rugli ? vonandi svelgist þeim ekki á íslensku kjúklingunum eða íslensku svínunum.
| 80,81 | ||||||
| Innkaup í Albert Heijn 25.05.2005 | (gengi 25.5. ISK/EUR 80,81) | |||||
| Vöruheiti | magn | Verð EUR | Kílóverð EUR | Verð ISK | Kílóverð ISK | |
| Kellogs Bran Flakes | 1 | pakki | 2,59 | 209 | ||
| Rósmarín | 1 | búnt | 1,29 | 104 | ||
| Klósettpappír | 4 | rúllur | 1,09 | 88 | ||
| Léttmjólk | 1 | lítri | 0,65 | 53 | ||
| Chorizo pylsa | 1 | bréf | 1,8 | 145 | ||
| Sveppir | 1 | askja | 0,89 | 72 | ||
| Kjúklingabringa | 268 | g | 1,3 | 4,85 | 105 | 391,99 |
| Rauð (útlensk) paprika | 250 | g | 1 | 3,98 | 81 | |
| Nivea svitalyktareyðir | 1 | st | 2,49 | 201 | ||
| Bavaria bjór | 0,33 | cl | 0,49 | 40 | ||
| 13,59 | 1098 | |||||
| Innkaup í C1000 14.05.2005 | ||||||
| Vöruheiti | magn | Verð EUR | Kílóverð EUR | Verð ISK | Kílóverð ISK | |
| Hardy's Riesling hvítvín | 1 | flaska | 4,99 | 403 | ||
| Kellogs Bran Flakes | 1 | pakki | 2,55 | 206 | ||
| Léttmjólk | 1,5 | lítri | 0,92 | 74 | ||
| Rauð paprika (útlensk) | 1 | st | 0,71 | 57 | ||
| Nautakjöt | 250 | g | 2,24 | 8,96 | 181 | 724 |
| Hakkabuff | 250 | g | 1,78 | 7,12 | 144 | 575 |
| Eggjabakki (12 egg) | 1 | st | 1,45 | 117 | ||
| Brokkolí (lítill haus) | 1 | haus | 0,53 | 43 | ||
| Belgbaunir (u.þ.b. lúka) | 0,53 | 43 | ||||
| Græn epli | 2 | st | 1,24 | 100 | ||
| Sveppir | 1 | askja | 0,79 | 64 | ||
| 17,73 | 1433 | |||||
| Innkaup í C1000 20.05.2005 | ||||||
| Vöruheiti | magn | Verð EUR | Kílóverð EUR | Verð ISK | Kílóverð ISK | |
| Léttmjólk | 1,5 | lítri | 0,92 | 74 | ||
| Sveppir | 1 | askja | 0,79 | 64 | ||
| Paprika appelsínugul (útlensk) | 1 | st | 0,65 | 53 | ||
| Kellogs Bran Flakes | 1 | pk | 2,55 | 206 | ||
| Flutebrauð | 1 | st | 0,25 | 20 | ||
| Nautakjöt | 250 | g | 3,62 | 14,48 | 293 | 1170 |
| Braadworst | 250 | g | 1,18 | 4,72 | 95 | 381 |
| Blindevink (kjötfars/hakk vafið í beikon) | 250 | g | 1,98 | 7,92 | 160 | 640 |
| Hakkabuff | 250 | g | 2,05 | 8,2 | 166 | 663 |
| Græn epli | 2 | st | 0,58 | 47 | ||
| Gul epli | 2 | st | 0,58 | 47 | ||
| Timjan | 1 | búnt | 0,99 | 80 | ||
| 16,14 | 1304 | |||||
said...
Það er sko augljóst að menntuninni er ekki kastað á glæ hjá þér, þessi fína hagræðimenntun og svo arabíska í kaupbæti :-)
Hvað gerðist eiginlega með blogg dagsins? Varstu að vinna í rangri tölvu?
= Þorsteinn Yngvi =
said...
Og hvaða töflu er átt við? Skrifa þetta upp aftur!
sg
Hafdis Sunna said...
Úff, hvað gerðist eiginlega? Skrýtið. Ég setti íslenska stafi inn fyrir spurningamerkin og gafst upp eftir tæplega hálfan textann, þú kannski nennir að púsla við restina svo við getum lesið þetta með góðu móti :-)
Kristinn said...
Er ad malla í thessu, ekki alveg nógu gódur í thessu tolvustússi - Blogger fer alveg á hlidina ef madur paste-ar excel toflur inn í hann:/
Thetta var í vinnslu í gaer thegar internet heimilisins hrundi. Svona er gott ad stóla á belgískan infrastrúktúr.
Flettid bara nógu lengi og thá kemur taflan....
said...
Er ekki eina lausnin á þessu með landbúnaðarvörurnar að smygla til landsins öllum heimsins nautariðum og fuglaflensum, og gera hreinlega út af við íslensk húsdýr, í eitt skipti fyrir öll?
Annars var magnað í blaðinu í gær, Hannes H. var spurður hvernig á því stæði að föt væru ódýrari í Bretlandi en á Íslandi þrátt fyrir lítinn flutningskostnað, tolla og whatnot - Hannes sagði þetta rakið ábyrgðarleysi íslenskra neytenda, í ljósi þess að nú gæti hver sem er flogið til London og keypt sér föt, en neytendur væru greinilega ekki að stunda það nægilega mikið til að þrýstingur myndaðist á íslenska smásala að lækka verðin hjá sér.
Ég veit hinsvegar ekki hvað maður þyrfti að kaupa sér mikið af dýrum fötum til að spara 20 þús. kr. flugferð, og absolút lágmark 10 þús. í viðbót í samgöngur og fæðu (að því gefnu að maður fái flug til baka samdægurs, sem mig grunar að sé ekki hægt, en þá bætist annað eins við, plús svo gisting).
Hannes klykkti svo út með því að hann keypti sjálfur öll sín föt í fríhöfnum "um allan heim".
-Eiríkur
Kristinn said...
Ha ha ha, Hannes er svo kosmó, hann bara gat ekki setid á sér ad nefna ad hann verslar um allan heim. Nei vá madur tharf ad vera med massíft fatabudget til ad svona Lundúnarferd borgi sig.
Thad vaeri nú spennandi ef Neytendasamtokin taekju upp skaeruhernad og faeru ad eitra fyrir íslenskum kjúklingum eda aktivistabrogdum eins og ad loka landbúnadarráduneytinu, en thad verdur varla í brád ...
oakleyses said...
ralph lauren uk, true religion jeans, abercrombie and fitch, lululemon, true religion outlet, hogan, longchamp pas cher, nike blazer, ray ban uk, oakley pas cher, hollister, true religion jeans, nike roshe run, nike air max, air jordan pas cher, north face, lacoste pas cher, coach factory outlet, michael kors, nike free run uk, hollister pas cher, true religion jeans, mulberry, sac longchamp, michael kors, converse pas cher, vans pas cher, vanessa bruno, ray ban pas cher, coach outlet, nike air max, hermes, timberland, north face, nike air max, coach outlet, sac guess, tn pas cher, burberry, louboutin pas cher, coach purses, new balance pas cher, nike roshe, nike free, ralph lauren pas cher, kate spade handbags, air max, michael kors, air force, michael kors
oakleyses said...
coach purses, true religion jeans, nike air max, ray ban pas cher, vans pas cher, ralph lauren pas cher, coach outlet, north face, hogan, true religion outlet, nike free, true religion jeans, air jordan pas cher, hermes, air force, ray ban uk, ralph lauren uk, lululemon, air max, north face, sac guess, new balance pas cher, hollister pas cher, nike air max, mulberry, lacoste pas cher, nike blazer, louboutin pas cher, abercrombie and fitch, nike roshe run, converse pas cher, michael kors, tn pas cher, true religion jeans, longchamp pas cher, nike free run uk, timberland, burberry, nike roshe, michael kors, oakley pas cher, kate spade handbags, michael kors, coach factory outlet, sac longchamp, hollister, coach outlet, michael kors, vanessa bruno, nike air max
Unknown said...
qzz0611
mont blanc pens
bottega veneta outlet
nike shoes
coach canada
christian louboutin outlet
air max uk
michael kors wallets
tory burch outlet
uggs outlet
michael kors uk
yanmaneee said...
lebron james shoes
kd13
yeezy
yeezy
balenciaga shoes
golden goose
hermes bag
yeezy boost 350 v2
balenciaga sneakers
yeezy outlet boost
