Jæja, nú er ég alveg að missa það úr spenningi, er semsagt að fara til meginlandsins á morgun. Flýg til Brussel og gisti á Jacque Brel hostelinu, mjög fyndið þetta er hliðstætt því að væri til gistihúsið Björk Guðmundsdóttir á Íslandi. Á föstudagsmorgun verður svo brunað með lestinni til Maastricht. Lestarskipti verða í Liege þar sem ég ætla að fá mér kaffi, en þar á stöðinni er selt svakalega gott kaffi. Örugglega það besta í Niðurlöndum og þó víðar væri leitað. Ég á eftir að borða svo góðan mat þessa helgi, fá mér góðan bjór og gott vín. Það þarf ekki hörð vísindi til að sýna fram á tilvist kúlínarískra skila á Ermasundi sem maður er því miður röngu megin við. En Skotarnir bæta það nú upp með að vera yndislegt fólk. Hlýir og hjálplegir, algerlega lausir við eyðublaðadýrkunina á meginlandinu. Svona eiga nú allir veikar og sterkar hliðar.
Á föstudag setjum við Kati stefnuna á afslöppun og spjall í Maastricht, en á laugardag verður brunað til Kölnar þar sem við ætlum út á lífið með hommsunum Bill og Thomas, vinum hennar. Þá verður nú tekið á því á dansgólfinu, óhætt að bjóða upp á experimental spor þegar maður er í útlöndum. Svo er nú fólkið hennar Katiar höfðingjar heim að sækja, og verður örugglega boðið upp á eitthvað gott úr vínkjallaranum. Síðan verður forvitnilegt að sjá hvort að froskurinn og broddgeltirnir í garðinum sé komnir úr vetrardvala, þannig verður þetta líka voða kósí.
Síðan koma Árný og Hanna Rósa á föstudag eftir viku. Þá verður nú tekið á því ef ég þekki mínar konur rétt! Þær fengu inni á hostelinu Evrópu sem er hérna í næsta nágrenni. 83 pund fyrir tveggja manna herbergi yfir helgina. Það finnst mér nú vel sloppið, svona ef einhver að spá í verslunarferð.
Helgina þar á eftir fer ég síðan með kórnum til Englands á kirkjutónlistarhátíð í Ripon í Yorkshire (skammt stórra högga á milli eða hvað). Síðan verð ég kominn til Íslands helgina eftir, og þar á eftir verður fylgst með Rokkhátíð Alþýðunnar á Ísafirði, og að sjálfsögðu mun ég leggja mig fram um að fylgjast með Skíðaviknnui. Semsagt taumlaus gleði fram á vor. Reyndar verður líka allt á haus í skólanum þennan tíma en mér hefur alltaf reynst stuð og gleði vera framleiðniaukandi, svo þetta verður góð blanda.
Set með mynd af þessari bílageymslu sem mér finnst töff. Gæti verið að Taggart hafi snúið við eitthvað undirheimalið þarna inni.
said...
said...
....YES I KNOW THIS CITY LIKE A LOVER....
Sigga said...
Nú langar mig að fara að versla á George Street!!
Hvað verðuru lengi þarna í Glasgow?
said...
Vá frábærir tímar framundan! Góða ferð og góða skemmtun á meginlandinu :) Svo verður nú stuð á ykkur Árný og Hönnu Rósu, algjör snilld!!
Verum í sambó minn kæri,
E.
Hafdis Sunna said...
Góða ferð og skemmtun elsku Kristinn!
Kúlinarí, bjór, kaffi, vín... og allar þessar byggingamyndir, Kristinn þú myndir elska að vera í náminu mínu núna. Þemað á þessari önn er "Food and the City" og við gerum ekkert annað en að sitja fyrirlestra um madkultur, markaði og svoleiðis auk þess sem við erum á haus í burðarþolsfræðinni að greina allskonar byggingar. Meðfram þessu öllu þarf svo auðvitað líka að hugsa um markaðsfræði og þvíumlíkt.
said...
Mjög "fyndið" þetta með snjóinn í Glasgow, við Palli vorum einmitt stödd þessa nótt í Glasgow, vorum á árshátíð ásamt 130 öðrum. Á sunnudaginn fékkst enginn leigubíll til að aka í miðbæinn (vorum á Crown plasa), við biðum í 7 klst á flugvellinum eftir fluginu okkar á meðan flugvallarstarfsmenn voru í gröfuleik. En Glasgow var fín fyrir utan vont kaffi og vonda 5 rétta máltíð og flugvallavesnið.
Ps.segðu Árny að það sé ekki Kids deild í H&M í Buchanan Galleries(sama hvað þeir segja á heimasíðunni) okkur var bent á að fara í The Forge shopping centre til að fá barnaföt. Kveðja að vestan Elíza.
árný said...
Takk fyrir ábendinguna Elísa! Þetta verður nefnilega hálfgjört Glasgow ÓL 2006... kaup og hlaup.. mjög stutt stopp hjá okkur, búðir, barir, skoða í kringum okkur... já já já..þetta verður bara stuð.
said...
jæja til hamingju með útskriftina Kristinn minn, verður svo ekki bara tvöfalt útskriftar-party þegar þú ert komin í hreiðurstemmarann hér heima?
said...
Það er nú naumast þetta er nú bara eins og lifnaðarháttur á einhverjum kaldastríðsnjósnara !
kv. Skafti
Kristinn said...
Mér finnst eiginlega að Steini þyrfti að koma við einhverntíman og syngja Taggart lagið í Glasgow, þetta er nú hans einkennislag. Og Sigga vertu velkomin í sjoppurnar, ég verð hérna út ágúst. Elísa og Palli: Fyndið að þið skilduð akkúrat lenda í þessari helgi, og náttúrlega fáránlegt að allt skuli fara á haus þegar snjóar í Skotlandi. Mér finnst ég nú lummó að hafa ekki sett inn myndir frá meginlandinu, það er bara allt í stressi að klára ritgerð áður en stelpurnar koma, og ég bara alveg vonlaus í að gera margt í einu:/
árný said...
Sæll minn kæri!! er komin til Reykjavíkur, eftir góðan hristing í vél frá flugleiðaleiðundum! við Hanna ætlum að fá okkur betri hristing í fyrramálið;) sjáumst bráðum hress og kát.
said...
Þúsund þakkir fyrir mig á síðustu helgi :* Frábær ferð og frábær borg!!!!
árný said...
Já það er óhætt að segja það að við heilluðumst af landi og þjóð!! Takk sömó fyrir mig. Krump.. forever..
Kristinn said...
Ji já, ferlega var gaman. Maður upplifði náttúrlega alveg ferskan vinkil á borginni með ykkur píunum. Lengi lifi leigubílaröðin;)
said...
jiii maður er nú orðin spenntur að heyra ferðasöguna, get ímyndað mér að þetta hafi ekki verið neitt "TIME og NEWSWEEK uppi í rúmi" eins og hjá sumum sem ég þekki...
Kristinn said...
Jahá, þetta var sko mikið stuð.
