Síðasta helgi var stórskemmtileg ? gjörsamlega pökkuð af stuði.

Kristján Freyr og Bryndís giftu sig á föstudag, 17. júní, svo það var heldur betur ástæða til að sletta úr klaufunum. Þetta var aldeilis flott - þau fengu sól og blíðu á brúðkaupsdaginn svo það var tilvalið að ganga til kirkju. Eftir athöfnina í Háteigskirkju var talið í stuðveislu ? þar var vel veitt og voru síðustu gestirnir að tínast út um þrjúleytið. Jón Þór og Gummi tóku veislustjórnina með trompi og eins og við var að búast kynntu öflug skemmtiatriði, m.a. skyggnusýningu Þorsteins Jónínusonar frá steggjapartíi Kristjáns, rokkbrag Valda til brúðhjónanna og spilerí Geirfuglanna.

Hér eru brúðhjónin í sveiflu á dansgólfinu.

|

Mér hlotnaðist sá heiður að taka þátt í eftirminnilegum stuðviðburði þegar brúðkaupshljómsveitin Gunnar Briem og Hlekkirnir fluttu nokkur sérdeilis vel valin gleðilög. Þeir Gunni, Valdi, Geiri og Jói Bróðir (Valda þ.e.a.s.) höfðu undirbúið sig vandlega fyrir veisluna og pikkað upp nokkur stuðlög, m.a. nokkur þrælöflug eighties lög, sem þeir fluttu af tærri snilld. Þeir fá sko 9,5 fyrir að endurskapa hljóðheim þeirra sítt-að-aftan manna með fullu synthablasti!

Strákarnir höfðu meldað sig í vor og beðið mig um að syngja nokkur lög með þeim, sem mér leist nú stórvel á ? enda telur maður ekki eftir sér að taka 2-3 lög fyrir vini og vandamenn, og þó það væru 5 fyrir vandalausa. Mér brá hins vegar pínu, þó ég reyndi að halda kúlinu, þegar Valdi hringdi í mig á þriðjudagskvöld og spurði hvort ég væri með blað og penna við höndina. Þetta endaði semsagt með því að ég söng 13 laga prógramm með strákunum og skemmti mér vægast sagt konunglega. Lella gella kom líka sterk inn í frontinum og það kom sér vel að við skyldum hafa æft finnsku diskó sporin þegar ég heimsótti hana til Dublin í vetur.

Það var alveg stórkostlegt að heyra bræðandi synthastefin í Everybody wants to rule the world, að ekki sé talað um rafrænt gjallið í Obsession eftir eins smells bandið Animotion (einnig þekkt sem Fashion TV stefið). Þetta prógramm var náttúrlega bara snilld, Look of Love eftir ABC, Heat is on, Maneater eftir Hall & Oates, Do you think I?m sexy, Funkytown og diskósmellurinn Let?s groove svo nokkur stuðdæmi séu tekin. Veislugestirnir voru líka alveg með á nótunum og tjúttuðu af öllu afli.

Þessi mynd var tekin á leið til brúðkaups í sól og sumaryl. Gunni, Sólveig og Siggi á til að græja bindi.

|

Þegar majónesan var orðin gul og Bára komin í bleyti héldu við í partý niður í bæ, vel nestuð af veisluföngum, til fólks sem Jón og Gummi og Valdi og Imma þekkja og reyndust vera Áslaug Friðriksdóttir, frænka mín, (en við erum þremenningar, hún er dóttir Helgu Jóakimsdóttur Pálssonar) og Hjálmar maður hennar. Ættrækni er ekki mitt sterkasta svið svo það er alltaf gaman þegar maður slysast til að hitta skyldfólk.

Hér eru þau Hjálmar, Jói Bróðir, Áslaug og Valdi í góðum gír.

|

Og hér má sjá þau Jón Þór, Magnús Hauksson, Elínu og Sigga á góðu spjalli.

Þetta var hin besta síðdrykkja úti í garðinum hjá þeim. En fljótlega var risið farið að lækka á manni og því hentugt að ég naut gestrisni Sigga Gunnars um helgina og við þurftum því ekki að rölta nema fáein skref upp á Njarðargötu.

|

Laugardagurinn var ekki síður skemmtilegur. Við Siggi þurftum ekki sækjast eftir afþreyingu í þynnkunni því það var gestkvæmt á Njarðargötunni eftir hádegið og litu þau Smári og Sigga, Gunni, Háli og Geiri við í kaffi. Síðan var mér boðið í grillpartý til Kiddýar og Tóta seinnipartinn þar sem Tóti vígði fullvaxin grilláhöld sem hann hafði keypt í Texas í fyrra.

|

Og hér fer heimilissælan í Stórholtinu ekki á milli mála, Gummi, Bjartur, Tóti, Kiddý og Jóhanna litla á meltunni eftir matinn.

|

Eftir grillið litum við yfir til þeirra Kristjáns og Bryndísar í Barmahlíðina að skoða gjafirnar og síðan var stefnan sett aftur á Njarðargötu þar sem Siggi bauð til drykkju. Það byrjaði á háfleygum umræðum um alþjóðastjórnmál og varð þokukenndara eftir því sem á leið, þar til yfir lauk um fimmleytið. Í millitíðinni hafði Kraftwerk og Duran Duran verið blastað á plötuspilaranum. Ég var víst frekar kræfur í plötusnúðinu og sýndi rússnesku þungarokksveitinni Black Coffee ekki mikinn skilning. Hér er samkvæmið að nálgast suðupunkt, Geiri og Lea í góðum gír og Siggi kominn í Albaníubolinn.

Á sunnudag var svo gott að hressa sig við í skúraloftinu í Reykjavík og skoða húsin í miðbænum þar til var lagt af stað vestur seinnipartinn. Ég ætlaði að fljúga um morguninn en var heldur seinn á fætur. Sú bílferð var ekkert slor með Júdit, Smára, Dána og Dóru Hlín, á forláta Volvo Gísla Jóns föður hennar. Snilldartæki, manni leið bara eins og maður eytt kvöldinu sitjandi á spjalli inni í stofu þegar maður kom heim ? þeir kunna þetta Svíarnir!

En sumar ástarinnar er rétt að hefjast. Þann 10. júlí ætla þau Smári og Sigga að ganga í það heilaga og síðan verða Hálfdán Bjarki og Dóra Hlín splæst saman 27. ágúst.

|

Veðrið virðist vera á uppleið og sumarbirtan er alveg ærandi en ritgerðarvinnan er ekki í topp formi þessa dagana. Þannig er að okkur Tom van Veen, ritgerðarleiðbeinandanum mínum, samdist um að ég myndi melda mig þegar mynd kæmist á hvern hluta verksins á u.þ.b. viku til hálfs mánaðar fresti. M.a.s. höfðum við neglt niður að ég myndi senda drög að kaflanum sem nú er undir á síðasta föstudag. Sá er ennþá í vinnslu enda var ég lengi að koma mér í gírinn, eftir heimkomuna, í síðustu viku og svo er þetta allt að taka lengri tíma en ég ætlaði ? algjör vinnuhít. Planið var bara að gera svona, svona og svona og ýta svo á enter en í praxís reynist þetta meira maus. Í stuttu máli þá hef ég verið að viða að mér upplýsingum um ávöxtun hlutabréfa, veðurfar og skammdegi í nokkrum löndum og er að keyra saman til að skoða hvort umhverfisþættirnir hafi einhver áhrif á markaðina. Talnarunurnar eru semsagt mixaðar til í Excel og dembt í tölfræðiforritið Eviews sem svara stóru spurningunni. Því miður hefur engum tekist að smíða forrit sem svarar spurningum já eða nei svo það munu fara nokkrar síður í að túlka niðurstöðurnar.

Mér finnst alltaf þegar maður keyrir suður að maður sé alveg að koma í bæinn þegar maður keyrir framhjá Bifröst, en sú er ekki reyndin ? það er sami pakkinn í gangi með þennan kafla.

Annars átti ég stórgóða helgi, skellti mér til Fljótavíkur með Dána og Smára. Drifum okkur á föstudagskvöld á TF-SUE og ætluðum að fara fyrst til Reykjavíkur svo Dáni gæti spilað með 9/11?s á Grand rokk en þegar við komum að Breiðafirðinum var útséð með að það væri allt lokað vegna þykkrar skýjabreiðu sem huldi sunnanvert landið. Þá var haldið í Fljót og þegar ég ætlaði til baka daginn eftir var þoka og dumbungur svo við urðum innlyksa og fengum loks bátsfar með Ómari Helgasyni og félögum á sunnudagskvöld. Þannig varð overnight hleðsluferð í friðlandið að helgarferð. Því var ekkert annað að gera en að nýta tímann til að hlaða batteríin enn betur.

Hleðslan lét ekki á sér standa. Við gláptum á tófurnar, yljuðum okkur við varðeld, steiktum pulsur og hamborgara, drukkum bjór og brennivín, veiddum silung (Smári fékk einn), lágum í potti Atlatungumanna og dustuðum rykið af áætlunum um stórfellda uppbyggingu á þungaiðnaði í Sléttuhreppi hinum forna, svo fátt eitt sé nefnt. Eins og stundum áður nutum við gestrisni þeirra heiðurshjóna Boggu og Ingólfs, ömmu og afa Dána, sem kalla sko ekki allt ömmu sína.

Ge-ekt hressir gaurar! Captain Hálfdánsson og crew, ég fékk að sitja í kóarasætinu en Smári stjórnaði in-flight entertainment úr aftursætinu.

|

Dáni horfir dreymnum augum yfir víkina.

|

Rebbi í góðum gír!

|

Dumbungsveður og þoka niður í miðjar hlíðar. No-go í flug jafnvel þó Bó hefði sagt gó.

|

J?ja ?? er ma?ur kominn heim. Lenti ? Keflav?k ? mi?vikudagskv?ld ? s??ustu viku og s??an vestur ? f?studag. B?i? a? vera vo?a miki? stu? a? heilsa upp ? f?lk me? tilheyrandi sk?lun, lenti ? starfsmannapart? hj? BB ? laugardag og fermingu hj? S???ri og S?lveigu, tv?burunum hans G?sla br?, ? sunnudag. M?nudagurinn f?r ? ekki neitt og s??an hef ?g veri? a? koma m?r af sta? ? ritger?arvinnunni. Eins og oft vill ver?a hefur mi?a? heldur h?gar en ?g ?tla?i - ?etta er allt a? koma. S??an er plani? a? brenna ? Flj?tav?k anna? kv?ld me? Sm?ra og H?ld?ni Bjarka, reyndar me? millilendingu ? Reykjav?k ?ar sem D?ni ?tlar a? plokka passa eina kv?ldstund me? 9/11's, lokk & l?l!  

|