Eiður Smári var að skora gegn Barcelona í Meistaradeildinni. Leikurinn rétt byrjaður og okkar maður búinn að skora. Maður var náttúrlega hæstánægður með þetta en sambýlingarnir voru ekki eins hressir því þjálfari Barsa er Hollendingur. Ég kom frekar illa út þegar ég sagði þeim sigri hrósandi að það væri munur að vera með svona pure-bred glókoll í liðinu - rétt í þann mund datt myndavélin á hollenska þjálfarann sem er svertingi. Svona er maður nú á hálum ís þegar kemur að fótbolta.
Stórskemmtilegur siður hjá Hollendingum að þeir tala oft saman í búðum. Svosem gerir maður það heima líka þegar maður hittir einhvern sem maður þekkir en nú hef ég lent í því með stuttu millibili að fólk fer að spjalla við mig yfir matarhillunum. ”Ferlega eru orðnir dýrir kjúklingarnir.” ”Já ég er bara orðinn svo leiður á svínakjöti.” ”En hefurðu prufað sojabuff?“ Maður þarf að demba sér í hollenskuna til að verða almennilega samræðuhæfur í búðinni.
Í fyrramálið heldur hagstúdentafélagið til Brussel til að skoða Evróstofnanir. Förum m.a. í heimsókn í Evrópuþingið sem er skralltómt þessa dagana þar sem þingmennirnir eru allir í Strassborg að kjósa. Það væri nú fyndið ef Alþingi íslendingar þyrfti að fara til Egilsstaða viku í hverjum mánuði til að kjósa - nú eða Ísafjarðar.
Talandi um Egilsstaði og Ísafjörð þá er ég að ganga af göflunum yfir umræðum um flugvallarmálið. Upp úr þessu er sennilega best að reyna að birgja pirringinn inni - þetta er orðið allt of mikið til að fara á prent. Til að bæta gráu ofan á svart er farið að örla á því að umræðan er á köflum að orðin frekar yfirveguð, sem setur mann endanlega úr jafnvægi.
Keypti Habanero-chili á tilboði í dag og prufaði í kvöldmatartímanum. Eftir á að hyggja rámar mig í hrakfallasögur sem Kiddý sagði af chili-innkaupum í Mexíkó. Þessir eru semsagt eins og litlar krumpaðar paprikur og mann svíður í nefið bara við að standa yfir pönnunni, þvílíkar eiturgufur sem þetta gefur frá sér. En samkvæmt traustum lífsstílsritum er chili allra meina bót. Þræl grennandi. Maður verður saddur fyrr og svo hraðar hann efnaskiptunum. Hafið þið einhverntíman séð feitan Tælending?
Fyrir u.þ.b. þremur vikum ákváðu kaffihúsaeigendur í bænum að draga fram útiborðin. Síðan hefur verið stanslaus snjókoma. Núna sér þó fyrir endann á þeim kafla. Mér finnst fólk hérna sýna ótrúlega víkingslund þegar það hangir þrældúðað úti undir gaslampa til að drekka bjórinn sinn utandyra - spurning hvort menn eru að reyna venja sig á þetta ef ske kynni að reykingabannið yrði tekið upp í Hollandi?
said...
já það er ógleymanlegt þegar mamma mín lýsti því sigri hrósandi yfir að hún hafi sko bara loksins fundið venjulegar paprikur í hverfisversluninni okkar úti í Mexikó, til að sýna fram á þetta tók hún vænan bita af "paprikunni"... hún var marga daga að jafna sig!
Kiddý
Kristinn said...
Ha ha ha, þetta hefur verið rosalegt! Svei mér þá ef þessir piprar geta ekki verið hættulegir ungum börnum og viðkvæmum ef er ekki farið rétt með þá. En þeir virðast mildast aðeins við steikingu annars væri varla hægt að nota þá nema e.t.v. í Chili con carne í mötuneytisstærðum.
Kristinn said...
Þessi athugasemd hefur verið fjarlægð af stjórnanda bloggs.
Kristinn said...
Þessi athugasemd hefur verið fjarlægð af stjórnanda bloggs.
Kristinn said...
Þessi athugasemd hefur verið fjarlægð af stjórnanda bloggs.
said...
Afleiðingarnar vegna kommentsins á EiðSmára er eitthvað svo dæmigert. Manni finnst að þetta geti bara gerst á meginlandinu.
S.G
yanmaneee said...
yeezy shoes
jordan 4
jordan retro
yeezy
nike shox for women
nike epic react flyknit
retro jordans
yeezy shoes
off white jordan 1
longchamp
