http://pwt.econ.upenn.edu/php_site/pwt_index.php
Á fyrstu myndinni sést landsframleiðsla á mann frá 1950-2004. Lína Íslands er gul og má glögglega sjá að við höfum hangið í og við nágrannalöndin allt tímabilið. Áberandi er hversu mikill breytileiki er í íslenska ferlinum og má glögglega merkja góðæri þar sem við höfum sveiflast upp m.v. nágrannalöndin en fallið jafnharðan niður aftur í reglulegum hallærum. Sú hugmynd að Ísland hafi verið verr statt en aðrar þjóðir þangað til 1991 og síðan átt mikið framfaraskeið er þjóðsaga sem sér engin merki í gögnum. Nær lagi er að Ísland upplifði miklar framfarir á 20. öldinni og e.t.v má gera mikið úr þeim afrekum m.v. stöðuna í lok 19. aldar.
Athyglisverðari mynd er að skoða raunlandsframleiðslu á hvern vinnandi mann frá 1950-2003. Þarna kemur fram eins og t.d. Þorvaldur Gylfason hefur oft vakið athygli á að Íslendingar hafa fyrst og fremst sótt sér kjarabætur í gegnum aukna vinnu. Ef framleiðnin er tekin inn í myndina hefur hlutfallsleg staða okkar heldur versnað. Ef er öskubuska í Evrópu þá er það Írland þar sem landsframleiðsla á vinnandi mann hefur nær tvöfaldast frá árinu 1990. E.t.v. er Davíð að misskilja eitthvað og heldur að hann hafi verið forsætisráðherra þar.
Ef við tökum nærmynd af árunum frá 1990-2004 sést svipuð saga í raun landsframleiðslu hefur Ísland u.þ.b. haldið stöðu sinni m.v. nágrannaþjóðirnar.
Ef litið er til raunlandsframleiðslu á vinnandi mann frá 1990-2003 sést að Ísland hefur rétt tæplega haldið sínum hlut en Írland sem fyrr skotist framúr.
Svo langt sem það nær að nota landsframleiðslu sem árangursmælikvarða sést að Ísland hefur verið meðalskussi í hagstjórn á eftirstríðsárunum og ekki hægt með góðu móti að koma auga eitt tímabil sem hefur verið langvarandi verra eða betra en annað. Hins vegar er nóg af sveiflum – upp og niður. Gögnin renna stoðum undir þá skoðun að hagstjórn er langtímaverkefni þar sem árangur eins tímabils er mjög háður því sem gerðist um árabil á undan.
halldor said...
Þetta eru mjög áhugaverð gröf. Það er líka áhugavert að skoða Bretland og hagvöxt þar á valdatíma Tatcher, og bera saman við árin fyrir og eftir. Eins má bera saman við nágrannaþjóðir á sama tíma
Tilfellið er að hagvöxtur járnfrúnni skar sig ekkert sérstaklega úr. Samt er mjög oft fjallað um hana eins og hún hafi verið algjör kraftaverkakona þegar hagstjórn var annars vegar.
H.
said...
með reiknikúnstum er hægt að fá út hvaða niðurstöðu sem maður vill.
flott gröf og fögur orð.
en eru útreikningarnar í samræmi við raunveruleikann eins og hann er á götunni fyrir hinn almenna mann? eða er þetta eins og spekingarnir í fílabeinsturninum sjá heiminn?
said...
Mjög athyglisvert Kristinn. Góðærið virðist ekki hafa verið svona mikið góðæri eftir allt saman heldur einungis haldið í við aðrar þjóðir. Enda virðist það allt hafa verið tekið að láni sem virkaði svosem ágætlega þangað til engin lán var að fá. Þá sást að keisarinn var ekki í neinum fötum.
Einnig er frammistaða Íra athyglisverð. Maður sér hvað þeir hafa tekið svakalega dýfu samanborið við hinar þjóðirnar en jafnframt hvað þeir virðast hafa komið vel út úr henni.
Hefur þú skoðað það eitthvað nánar?
oakleyses said...
michael kors handbags, moncler, wedding dresses, ugg boots uk, barbour, bottes ugg, canada goose uk, louis vuitton, marc jacobs, swarovski crystal, moncler outlet, moncler, ugg,ugg australia,ugg italia, louis vuitton, doudoune canada goose, juicy couture outlet, replica watches, louis vuitton, canada goose, links of london, thomas sabo, swarovski, doke gabbana outlet, hollister, moncler, lancel, michael kors outlet online, moncler, montre pas cher, juicy couture outlet, pandora charms, canada goose, karen millen, ugg pas cher, moncler, moncler, pandora jewelry, pandora jewelry, toms shoes, moncler, canada goose outlet, barbour jackets, pandora charms, supra shoes, canada goose, michael kors outlet, canada goose outlet, louis vuitton, canada goose, coach outlet, ugg,uggs,uggs canada, sac louis vuitton pas cher
