Sem félagsmaður í Samtökunum 78 velti ég því fyrir mér hvort þau með alla sína reynslu ættu ekki bjóða Sjálfstæðismönnum upp á aðstoð og stuðning? Ef marka má kvöldfréttirnar á Stöð 2 er þar fjöldi fólks með fiðring í maganum yfir að koma út úr Evrópuskápnum og svo náttúrlega fagfólk í Seðlabankann -skápnum.
Til viðbótar við þau augljósu sannindi hvað Edda Andrésdóttir heldur sér vel var fréttatíminn stórdramatískur. Spiegel (http://www.spiegel.de/international/business/0,1518,589724,00.html) segir Íslendinga hafa reynt allt nema að halda kökubasar en enginn vilji lána. En auðvitað blasir við að þessi ríkisstjórn mun ekki fá neina fyrirgreiðslu - þeir voru á vaktinni meðan draslið hrundi, hafa sýnt endalausan tossaskap, ekki vott af iðrun og engar vísbendingar um tiltekt. Ætli við fáum ekki að fylgjast með lífinu í byrginu nokkrar vikur enn meðan sífellt fleiri fyrirtæki og heimili fara undir hamarinn.
Furðulegt hvað lítið hefur verið upplýst um stöðu og eðli Icesave deilunnar. Stjórnmálamenn hafa augljósan hvata til að halda fólki í myrkrinu og hamra á þorskastríðsstemmningu - en hvað með blöð og sjónvarp? Af hverju fáum við ekki að vita um stöðuna á þessum efnahagsreikningi frystingardaginn? Er e.t.v. meira en nóg fyrir Bretana í bönkunum sem þeir frystu eins og Landsbankamenn hafa raunar haldið fram? Hvernig er staðan á þessum möppum í dag? Hvernig lýtur versta sena út og hvaða vörnum halda Íslendingar uppi? Hvað með lögfræðilegu álitaefnin? Nú eru liðnar margar vikur og ennþá þarf fólk að hýrast í upplýsingatómi með magasár yfir meintum Versalaörlögum.
Mikið vona ég að hugsanleg olía við Austurland verði ekki nýtt fyrr en í fyrsta lagi eftir marga áratugi. Innviðir stjórnarfars og lýðræðis í landinu eru einfaldlega ekki nógu sterkir til að höndla auðlindastjórnun, sbr. útsöluna á raforkunni og allt leynimakkið þar í kring. Nýjar auðlindir yrðu eins og olía á eld rentusóknardjöfla og gætu endanlega gengið frá stjórnarfarinu.
said...
Ég svo innilega innilega innilega sammála þér með olíuna þarna.
Kv,
Siggi
said...
Skítið í ykkur, kæru félagar. Látum olíuna fossa sem fyrst. Það verður unaðslegt að búa í Dubai norðursins, rölta eftir glænýjum pálmaströndum uppí Geldinganesi eða virða fyrir sér Eskuna ofanfrá í hæsta húsi Alheimsins, hinum 4500 metra háa Aurora Tower. Framtíðin er svo fokking björt að maður þarg að vera með logsuðugleraugu!
kær kveðja, Gunnar Briem.
Dieter said...
Til að gleðja þig Gunnar minn Briem og syrgja hagsældarandstæðingana, þá er það staðreynd að olíuleitin mun verða boðin út strax í janúar næstkomandi. En Gunnar, meistari paint forritsins, væri ekki hægt að fá riss af Aurora Tower?
said...
Já leyfðu okkur að sjá eldfuglinn með líka
Kv,
Siggi.
Kristinn said...
Úff, Ísland með olíu, þar yrði sko grætt og grillað. Sem mannkynbótasinni krefst ég þess að tafarlaust verði fluttir inn erfðavísar úr Norðmönnum og Þjóðverjum svo a.m.k. næsta kynslóð verði örlítið ábyrgari í efnahagsmálum.
said...
Ábyrg efnahagshegðun verður úrelt hugtak þegar olíuauðurinn fossar í ríkissjóð eftir 5-7 ár. Þá verður peningum spanderað ótæpilega í hvaða vitleysu sem er því það kemur alltaf meira, meira, MEIRA! Og ímyndaðu þér þegar IMF-lánin verða endurgreidd á einu bretti með olíuklístruðum dollaraseðlum! Þá verður hlegið dátt á þínum gamla vinnustað, Stinni minn, en slímugir seðlabankastjórar um gervalla Evrópu hrína sem sviknar mellur!
kær kveðja, Gunnar Briem
Kristinn said...
Gunni ég gefst upp. Þín framtíðarsýn er bara svo miklu miklu meira sexí en einhver leiðinleg yfirvegun. Ég mun styðja framboð hliðarsjálf þíns Ganzía G sem ráðherra olíumála og ófágaðs óhófs
oakleyses said...
cheap oakley sunglasses, tiffany jewelry, replica watches, longchamp outlet, ray ban sunglasses, michael kors, prada handbags, michael kors outlet, longchamp outlet, christian louboutin outlet, louboutin, uggs on sale, burberry, michael kors outlet, michael kors outlet, nike outlet, polo ralph lauren outlet, ugg boots, ugg boots, prada outlet, polo ralph lauren outlet, tory burch outlet, michael kors outlet, burberry outlet online, kate spade outlet, ray ban sunglasses, gucci outlet, louboutin outlet, ugg boots, louis vuitton outlet, louis vuitton, oakley sunglasses, louboutin shoes, jordan shoes, louis vuitton, tiffany and co, ray ban sunglasses, nike air max, louis vuitton outlet, longchamp, replica watches, oakley sunglasses, nike free, ugg boots, oakley sunglasses, chanel handbags, michael kors outlet
