Hópur glaðra manna
Hópur manna gerði mér virkilega glaðan dag, síðdegis í gær. Ég skellti mér í kvöldmat í mötuneytinu og tók fljótlega eftir að sérkennilegir menn stóðu fyrir aftan mig í röðinni, það var eins og þeir hefðu orðið fyrir mjög slæmum tískutruflunum í æsku eða væru frá allt öðru tímabili. Spenntu magann út og rassinn inn, axlirnar í sundur og þöndu bringuna , sperrtu höfuðið og voru háreistir yfirlitum. Hárið háglansandi sleikt aftur eins og þeir væru nýkomnir frá Sikiley, vel snyrt puntskegg sem hefðu hæft Skyttunum þremur eða metrósexúal sjóræningjum. Einn var meira að segja með dökkt liðað hár allt, sleikt aftur og töluvert aftansítt. Allir skörtuðu þeir mörgum lögum af fötum, skyrta, jakki, frakki og fleira í þeim dúr, að auki áttu þeir sameiginlegt að vera allir með trefla og myndarlegar regnhlífar, ekki þessar litlu sem maður getur stungið í bakpokann þegar styttir upp heldur glæsilegar regnhlífar af stærstu gerð sem má líka nota eins og staf, enda studdu þeir sig allir við hlífarnar sem montprik væru. Þá skörtuðu þeir gljáfægðum leðurtöskum sem stungu verulega í stúf við Jansport og Eastpak bakpokana sem eru deildarnormið. Ætla má að glanstöskurnar séu tæpast praktískar til að hjóla með og allt of veigalitlar til að bera amerískar stjórnunarbókmenntir.
Sá síhærði með sjóræningjaskeggið var greinilega framsæknastur í expressíva klæðaburðinum en sem ysta lagi skartaði hann aðsniðnum gallajakka sem var útflúraður í mynstri sem gaf honum nokkurskonar Suðurameríkuyfirbragð. Flíkinni hneppti hann upp í háls eins hálsbólgan sæti um hann og kórónaði spjátrungsyfirbragðið með því að jakkinn var fullþröngur til að hneppa og bólgnaði sældarlega utan á honum.
Hingað til hefur ýmislegt ævintýralegt borið fyrir sjónir í herratísku götunnar hér í Maastricht og því ástæðulaust að tapa jafnvæginu vegna sérkennilegra manna sem að öllum líkindum væru suðrænir skiptinemar. Hinsvegar voru þessir ansi áberandi, og fasið og hópdínamíkin engu lík með allt að því kóreogröfuðu látbragði manna á milli í matarröðinni. Þeir virtust líka óvenju lífsglaðir og rauluðu lagstúfa.
Á endanum fór þó ekki á milli mála hvurslags menn voru hér á ferð, söngurinn ágerðist og ég greindi textabrotið ?Ombra ma fu? - þetta voru söngvarar. Þannig er að við hliðina á viðskipta- og hagfræðideildinni er Conservatorium Maastricht til húsa, tónlistarskóli fyrir lengra komna og því stemmdi þetta allt saman. Hápunktinum var svo náð þegar röðin kom að þeim og hópurinn siksakkaði um gólfið, að salatbarnum, servíettunum, hnífapörunum og loks inn í sjálfan matsalinn að sjálfsögðu syngjandi alla leiðina. Þeir voru örugglega að ímynda sér að þeir væru í óperu allan tíman. Þannig var kjúklingurinn og frönskurnar sem ég fékk í kvöldmat að ógleymanlegri sýningu þar sem ég gjóaði augunum á stórsöngvarana sem virtust frekar senda resetatív sín á milli, yfir borðið, en að standa í einhverjum dægursamræðum - slík voru tilþrifin, líkamsburðirnir, dramatísk svipbrigðin og ekki síst tímasett hlátrasköllin.
Þetta er náttúrlega stórkostlegur bransi og þarf magnað fólk til að standa í honum. Í þessari 4.000 manna deild ber aldrei á nokkrum manni eða nokkru óvenjulegu heldur flæðir fólk eftir göngunum í fyrirsjáanlegri skilvirkni. Þessum fjórum nágrönnum okkar tókst þó algerlega að brjóta upp hvunndagsyfirbragðið þar sem þeir dönsuðu um gólfið syngjandi sem í gamanóperu væru, flaksandi gljáandi hárinu og sjóræningjaskeggjunum. Þetta voru sko engir kontratenórar, heldur tenórar og barítónar af sjálfstyrkustu gerð. Einn var þó ansi tilkomulítill sköllóttur með gleraugu og klæddur jarðlitum - tæpast annað en raddlaus bassi.
Því miður var myndavélin heima og því engri mynd til að dreifa af þessum snillingum. Það er þó ekki nokkur spurning að maður mun hafa augun opin og gera sitt besta til að mynda þá seinna - þeir voru svo ánægðir með sig að maður örugglega beðið um eiginhandaráritun án þess að nokkrum þætti það skrýtið. Hafi mér einhverntíman tekist að vera tenórlegum í töktum þá myndi það ekki duga til að komast í kór með þessum mönnum, þvílíkir stórsöngvarataktar - Kristinn Sigmundsson minnir á uppþurrkaða skrifstofublók við hliðina á svona Carúsóum.
Á meðfylgjandi mynd sést Carúsó sjálfur á góðri stundu.
kriss rokk said...
Sæll Kristinn minn,
það var ég sem sendi þennan hóp á þig. Hjartanlega til hamingju með daginn!
Hahaha...bara að spauga. Eigðu góðan dag.
Kveðja,
Kriss Rokk
said...
hehehehe, þetta hljómar stórkostlega, mér finnst að þú ættir nú að leggja þig fram um að kynnast þessum mönnum, ha? hvernig heldurðu að sé í partýum hjá þeim, vá, það er örugglega ævintýralegt... ég er viss um að allar vinkonur þeirra eiga geðveikt stórar peysur með stórum krögum og stórum beltum og stóra skartgripi.
Bið að heilsa.
Kiddý
said...
jiiiii..... ég gleymdi aðal!! Ætlaði að koma með afmælisóskir en gleymdi mér alveg í lýsingunum á þessum frábæru gaurum!! HJARTANLEGA TIL HAMINGJU MEÐ DAGINN KRISTINN MINN!!! Hlakka til að fá þig heim.
Kiddý
said...
Já.. til hammó með ammó.
Afi minn á líka afmæli í dag. og hundurinn á morgun.
Hvernig er það, er enginn góður kór þarna sem þú getur farið í?
Sigríður Gísladóttir.. ósló..
said...
Ja hérna Kristinn! Þessi lýsing á söngvurunum og hvernig þeir stinga í stúf við ykkur í viðskipta- og hagfræðideildinni minnir mig á okkur í leiklistardeildinni hérna! Málið er að við erum 17 leiklistarnemar innan um eintóma Viðskiptafræði-nema hérna í þessu "útibúi" skólans. Við erum nú samt ekki eins fáguð í klæðaburði og söngvararnir, alltaf í jogginggöllum með sokkana utan yfir!! Væflumst um gangana innan um dragtarklæddar ungmeyjar og jakkafataklædda töffara!
Innilega til hamingju með daginn vinur minn. Hlakka til að hitta þig í jólafríinu. Fékkstu sms-ið frá mér?
Þín Elín.
said...
Voru þeir nokkuð í líkingu við þennan:
http://www.string-emil.de/
Mæli sérstaklega með myndasafninu "Undir berum himni", og hátalarana í botn!
Skemmtu þér!
Sigga.
Kristinn said...
Ha ha ha, takk fyrir afmæliskveðjurnar. Þessir gaurar voru náttúrlega fenómenal en þó á töluvert öðru sviði en Strengja-Emil hennar Siggur, þó full ástæða sé til að mæa með honum sem grótesku ofur kitchsi.
Sjitt Elín, ég er viss um að þið eruð geðveikt flippuð og rosalega úthverf - þegar ég kem að heimsækja þig þá skellum við okkur í mötuneytið og verðum geðveikt sjálfstjáningsleg, syngjum og leikum þrossa og þannig.
Kristinn said...
Veistu Kiddý ég verð eiginlega að reyna að ná mynd af þeim til að þú getir greint þetta faglega, þeir voru mjög ýktir. Ég sá þá aftur í búðinni í gær en var ekki nógu snöggur til, hlýt að finna þá aftur.
said...
já það er næst á dagskrá að greina fyrirbærið, þú verður að festa þetta á filmu, það væri kannski hægt að vinna killer-línu út frá þessum gaurum.
Kiddý
Kristinn said...
Hæ Lella, nei SMSið skilaði sér ekki, mig er farið að gruna að símkerfið hérna sé eitthvað dúbískt.
oakleyses said...
michael kors outlet, oakley sunglasses, louis vuitton, michael kors outlet, uggs on sale, ugg boots, gucci outlet, prada outlet, louboutin, polo ralph lauren outlet, ray ban sunglasses, nike outlet, louis vuitton, ugg boots, louboutin shoes, longchamp outlet, ugg boots, louis vuitton, nike air max, louis vuitton outlet, tiffany and co, prada handbags, polo ralph lauren outlet, nike free, ray ban sunglasses, christian louboutin outlet, burberry, longchamp outlet, louis vuitton outlet, michael kors outlet, oakley sunglasses, tory burch outlet, oakley sunglasses, oakley sunglasses, ray ban sunglasses, kate spade outlet, chanel handbags, longchamp, tiffany jewelry, michael kors outlet, replica watches, ugg boots, burberry outlet online, jordan shoes, michael kors, nike air max, michael kors outlet
oakleyses said...
nike free, air force, ralph lauren pas cher, hollister pas cher, sac longchamp, true religion outlet, true religion jeans, mulberry, hollister, lacoste pas cher, lululemon, michael kors, longchamp pas cher, nike air max, vanessa bruno, abercrombie and fitch, north face, nike air max, nike roshe, coach outlet, nike blazer, true religion jeans, converse pas cher, louboutin pas cher, timberland, ray ban uk, nike free run uk, vans pas cher, kate spade handbags, hermes, coach factory outlet, ray ban pas cher, tn pas cher, true religion jeans, north face, michael kors, new balance pas cher, burberry, coach purses, michael kors, michael kors, sac guess, coach outlet, air max, nike roshe run, air jordan pas cher, hogan, oakley pas cher, nike air max, ralph lauren uk
oakleyses said...
north face outlet, babyliss, nike air max, p90x workout, nike trainers, abercrombie and fitch, louboutin, iphone 6 cases, insanity workout, timberland boots, vans, valentino shoes, chi flat iron, north face outlet, jimmy choo shoes, hollister, mcm handbags, beats by dre, converse outlet, gucci, ghd, longchamp, lululemon, reebok shoes, vans shoes, birkin bag, soccer jerseys, nike air max, nfl jerseys, ferragamo shoes, new balance, nike huarache, hollister, hollister, soccer shoes, herve leger, ray ban, giuseppe zanotti, converse, mac cosmetics, bottega veneta, instyler, wedding dresses, asics running shoes, oakley, ralph lauren, celine handbags, baseball bats, mont blanc, nike roshe
