<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d4016206\x26blogName\x3d%C3%81stin+mun+sl%C3%ADta+okkur+%C3%AD+sundur\x26publishMode\x3dPUBLISH_MODE_BLOGSPOT\x26navbarType\x3dSILVER\x26layoutType\x3dCLASSIC\x26searchRoot\x3dhttps://stinnihemm.blogspot.com/search\x26blogLocale\x3dis_IS\x26v\x3d2\x26homepageUrl\x3dhttps://stinnihemm.blogspot.com/\x26vt\x3d-3586845363492521829', where: document.getElementById("navbar-iframe-container"), id: "navbar-iframe" }); } }); </script>
Ástin mun slíta okkur í sundur

Rafrænt tilverustig Kristins Hermannssonar 

þriðjudagur, desember 17, 2002

14:15 -

Hó hó hó, svaka gaman á Ísafirði. Ég kom á Sunnudaginn og var samferða Sigga Gunnars vini mínum í flugvélinni. Soldið exótískt að koma í desember í niðamyrkri, úrhellisrigningu og hlýindum. En það kólnaði. Það er eins og jólaljósin virki betur þegar það er orðið kalt. Siggi bauð mér í heimsókn í gær til að kíkja á slidesmyndirnar sína. Hann var með svaka flott show sem hann hafði tekið að mestu útí Hamburg þ.s. hann býr núna ásamt Súsönnu kærustunni sinni. Við tókum svo morgunkaffi saman í dag, alveg stórskemmtilegt að sitja með kaffibolla og horfa á Opru Winfrey taka á Íraks krísunni! Henni er ekkert mannlegt óviðkomandi. Í þættinum komu fram tveir stjórnmálaskýrendur (sem báðir höfðu skrifað bækur (með mögnuðum titlum) að sjálfsögðu!!!) Þeir sögðust vera óháðir gúrúar sem höfðu unnið með síðustu ríkisstjórn. En að öllum líkindum voru þeir sérvaldir í þáttinn af stríðsstílistunum í Pentagon þar sem að þeir höfðu fengið sérstaklega góða svörun í fókusgrúppum meðal kvenna. Þeir litu nákvæmlega eins út sólbrúnir með gleraugu íklæddir bláum jökkum með gul bindi. Sænska tilvísunin vekur í undirvitund fólks tilfinningar eins og öryggi og traust! Frábær tækni ef að á að mýkja upp hörð málefni þá er bara að dressa þau upp í sænsku litina. Pétur Blöndal þarf að tékka á þessu, til að bæta svörun sína meðal kvenkjósenda.

|

föstudagur, desember 13, 2002

16:21 -


No more fucking ABBA .... Sumir fara í alveg agalegt stuð þegar þeir hlusta á jólalög, fara í e-d svona jólastuð. Að sumu leyti upplifi ég þetta þegar ég hlusta á klassíska jólahittara, en fullmikið finnst mér orðið af einhverri jólasöngvara sjálfsfróun. Ég held að tónlistarmenn haldi að þeir séu orðnir ódauðlegir og bronsslegnir ef að þeir gefa út nógu tilþrifamikið jólalag. En stuð sem er mikla meira stuð en jólastuðið er ABBA stuðið, þegar maður er illa fyrirkallaður og ekkert virkar á mann nema ABBA. En að sama skapi er ég nýbúinn að slökkva á ABBA með hinum fleygu orðum "no more fuckin'abba..." þegar platan er að fara 2. eða 3. hringinn er ofskömmtunin orðinn alger.

Eins og getur líka gerst með nikótíntyggjó að virðist. Ég var fullviss um að ég væri kominn með sykursýki um daginn og lýsti einkennunum fjálglega f.lækninum sem pantaði f. mig fullt af blóðprufum. En niðurstaðan varð sú að ein plata af 4 mg Nicotinell á dag (56mg af Nikótína sama magn oog í u.m.b. 2,5 pakka af Winston) væri ofskömmtun sem hefði þessar agalegu aukaverkanir í för með sér. Svo fór læknirinn í sjónvarpið og fréttablaðið og fór að vara við Nikótíntyggjóinu, jemmin gaman að taka þátt í þessarri heilsufarsbyltingu. En niðurstaðan er semsagt sú að ég er hættu á hætti lyfjunum og lagstur í gamla góða ísskápinn eins nýhættir hafa gert um árabil.

|

fimmtudagur, desember 12, 2002

02:00 -

Á morgun ætla ég að díla við skattinn og VR, frábær tilfinning að reyna að nýta sér þjónustu stofnananna sem mynda frádráttarliðina á launaseðlunum okkar. Svo verður tekinn búðatúr með Sunnu systur :)

|


01:20 -

Vá frábært, þá á maður rafrænt tilverustig og getur farið að opna intróverðar pælingar fyrir öllum á netinu undir því yfirskini að það finni þær enginn eða nenni að lesa hvort eð er. En gaman gaman, ég á örugglega ekki eftir að skrifa mjög mikið, ég er ekki haldinn þessari skrif maníu sem virðist vera svo algeng nú til dags. Fullt af fólki heldur úti vefdagbókum sem það skrifa í fjórum sinnum á dag og sendir langa e-maila o.sv.frv. Það eru allir að skrifa eitthvað og að sama skapi virðast allir vera að gefa út bækur. Ég er einmitt að vinna að einni slíkri, ásamt því að þróa hugmyndir að leikritum sem ég er búinn að ganga með lengi en hef ekki haft tíma til að vinna að. Ég hlakka geðveikt mikið til að fara upplestrar og áritunar hringinn fyrir næstu jól. Skildi maður fá ókeypis kaffi á Súfistanum ef maður er rithöfundur?
Á sunnudaginn næsta fer ég til Ísafjarðar fyrir 2002 kr. ótrúelgt tilboð hjá Flugfélaginu, klöppum fyrir þeim :)

|

© Kristinn 2005 - Powered for Blogger by Blogger Templates hits.